skip to main |
skip to sidebar
بعد بسم الله السلام عليكم
هدا الحلوة بنينة بزاف وسهلة التحضير وشكلها جميل
التحضير:العجينة:250غ زبدة طرية+4مغارف سكر عادي خلطيهم +3صفار بيضوخلطي+فاني+رشة ملح+نص باكي خمارة ولمي بالفرينة حتى تتحصلي على عجينة طرية غلفيها وخليها ترتاح.
الحشوة: رطل كوكاو محمص ومرحي+250غ سكر عادي+فاني+3بياض بيض+2بيضات كاملين + نص باكي خمارة +150غ زبدة دايبة خلطي الكل.
حلي العجينة وديريها في مول كبير وثقبيها
ديري الحشو فوقها
دخليها تطيب حتى تحمار
خليها تبرد وتطليها بالمعجون ورشي كامل على الوجه لوز ايفيلي محمص
قطعيها مربعات وفي كل مربع ديري نص حبة كرز
اتمنى تجربوها لانها فعلا بنينة وسهلة التحضير.
بعد بسم الله السلام عليكم
هدا الوصفة كاين يسموها مادلان معسل وكاين يسموها سفنج في الكوشة هي وصفة سهلة جدا في التحضير وخفيفة
التحضير: 3بيضات+3مغارف سكر ضربيهم مليح+3مغارف زيتوضربي دائما+3مغارف حليب +3مغارف فرينة ونص باكي خمارة ورشة ملح وفاني خلطيهم وديريهم في لمول تاع السيليكون اي نوع عندك ديري فيه
ودخليهم يطيبوا حتى يحماروا خرجيهم وهما في المول سقيهم بالعسل
وخليهم 10د يشربوا ثم اقلبيهم بسهولة يتنحاو رشيهم من فوق بقطرات من العسل وقدميهم انا درتلهم جلجلان ملون .
بعد بسم الله السلام عليكم
التحضير: دجاج مرحي +ملح +فلفل اكحل+سكنجبير +رشة فلفل عكري+سنة ثوم
خلطيهم مبعد حلي العجينة المورقة مستطيل وديري فوقه الدجاج
ادهني الجوانب بالبيض ولوي مرتين
قطعي سيقار
ادهنيهم بالبيض او بصفار البيض مخلط بالقهوة وطيبيهم حتى يحماروا
بعد بسم الله السلام عليكم
ليوم جبتلكم وصفة لسوفلي العجينة تجي بنينة ومقرمشة اممممممممممم وهنا كاين عدة وصفات لسوفلي في المدونة
التحضير: 500غ فرينة+مغرف خميرة الخبز+مغرف لحظة+نصف مغرف كبيرة سكر+مغرف صغيرة ملح خلطيهم +كاس شاي زيت ديري فيه حبات زيتون اسود مقطع ارحيهم مع بعض وضيفيه للعجينة ولمي بالماء الدافئ تتحصلي على هذا العجينة
غطيها وخليها تخمر
الحشوة : درت صوص تومات +لحم مرحي طايب+طون طماطم وخلطتهم وتقدري ديري دجاج مفتت كاين حشوات مختلفة في مواضيعي طبعا ديري حسب ذوقك والموجود عندك
حلي العجينة واطبعي دوائر كبار تكون شوية رقيقة
ديري صوص
ثم ديري حبات بطاطة مقلية وقطعة فورماج
كاين لدرت فيهم جبن مرحي اغلقيهم بالفرشيطة
ادهنيهم بصفار البيض مخلط بالقهوة وزوقي بزيتون اسود او سانوج او جلجلان
دخليهم يطيبوا حتى يحماروا مليح
بعد بسم الله السلام عليكم
التحضير: 125غ زبدة+125غ سكر ناعم+فاني+ رشة ملح خلطيهم مليح +3مغارف لحظة وخلطي+نصف ملعقة صغيرة بكربونات او خمارة +الفرينة حتى تتلم .هذا الصابلي مفيهش البيض.
حليها واطبعي دوائر طيبيهم حتى يحماروا شوية لانو فيهم لحظة وبكربونات.
مبعد كي يبردوا لسقي كل 2 بالمعجون
القلاساج:بياض بيضة+3مغارف عصير ليمون+3مغارف ماء زهر+فاني خلطيهم +سكر ناعم مغربل تدريجيا ونتي تخلطي حتى تولي عجينة متماسكة ابداي اطلقيها بعصير الليمون
اقسمي القلاساج الى 3اجزاء جزء كبير ضيفيلو رشة كاكاو يولي لونه باج
وجزء صغير لونيه بالكاكاو الفاتح وديريه في كيس
وجزء بكاكاو الاسود او لعندك ملون اسود وديريه في كيس
اطلي القاطو بالقلاساج
ثم ديري نقاط عشوائية باللون البني الفاتح
ثم ديري خطوط بالاسود حول هذوك النقاط
يخرجلك شكل النمر اوleopard
خليه ينشف
وقدميه بالصحة والهنا .
تقدروا ديروا تشاراك بالعجينة السحرية او باي وصفة تفضلوها وديروا نفس القلاساج راه عندي صورته في الفيسبوك مبعد نحطهالكم .
لاتنسوا ان تدعوا لاولادي بالنجاح في الامتحانات.
