فلفل مرقد بزيت الزيتون

بعد بسم الله السلام عليكم

التحضير: فلفل حار الكمية لحبيتيها تقطعيه كيما تحبي وتنحيلو الزريعةوتحطيه في روبو مع5 الى 6 سنات ثوم+مغرف صغيرة كروية+ شوية فلفل اكحل+ملح

وتدوري الروبو مرة او مرتين فقط كشغل يدشش فقط


نحطوه في بلارة

ونعوموه بزيت الزيتون يعني تغطيه بزيت الزيتون

وتغلقي عليه لمدة 4ايام اواقل تشوفيه بدا يطيب

حليه وديريلو زيتون اخضر مقطع دوائر

بعد ليديريلو الزيتون اغلقي عليه وخليه لمدة يومين باش الزيتون يطلق البنة

وقدميه بالصحة والعافية

ملاحظة: انا الفلفل درتو حار بزااااااف بصح كطاب مولاش حار بنة هايلة نظن زيت الزيتون نحلو الحرورية غير جربوه بالحار متخافوش