خبز النخالة

بعد بسم الله السلام عليكم
كنت نبحث في دفاتري القديمة وجدت وصفات خبز كنت نديرهم وصفات هايلين وساهلين راح كل ماندير وصفة نحطها للفائدة العامة
التحضير:5 كيسان فرينة+ مغرف خميرة خبز+مغرف سكر+مغرف صغيرة ملح+2 مغارف لحظة+2 مغارف سمن او زبدة خلطي مع بعض +2 كيسان ونص ماء دافئ واعجني شوية وغطيها وخليها تخمر
مبعد كسريها واخبزي خبزات صغار بالنخالة هدي الوصفة تجي بالفرينة يعني تخبزي الخبز وترمديه بالفرينة انا عندي النخالة قلت نجربها بيها وفعلا جات هايلة لمعندوش يديرها بالفرينة يتبع نفس الخطواتتخبزي الخبزات في كمية كبيرة تاع نخالة او فرينة

وتشكلي خبزات صغار وتضغطي بيدك في وسط كل خبزةوترمديها مليح فنخالة او الفرينة

وتخبزي وتحطيها في صنية

انا دائما ادا لاحظت نرقق الخبز لانو ميحبوليش الخبز لخشين حتى ويكون مفخفخ من الداخل وخاصة زوجي يحب ياكل غير القشرة الفوقانية هههههههه
نخليه يخمر وهدا بعد ما خمر

ندخلوه للكوشة يطيب حتى يحمار ودائما كتطيبوا الخبز الفرن يكون سخون بزاف هدا ليخلي الخبز يجي طري ميجيش يابس