صابلي الطبقات

بعد بسم الله السلام عليكم

المقادير:
500غ زبدة
كاس ونص سكر ناعم
قشور ليمونتين
2بيض
2خمارة
فرينة
كاكاو
للتزيين: شكولا
قلاساج ابيض
التحضير:نخدم الزبدة + السكر مليح + البيض بالوحدة ونخلط + قشور القارص + فرينة + خمارة منكملش نجمع العجينة نح الربع منها نكمل العجينة البيضاء نلمها بالفرينة حتى تتلم وتولي طرية
والعجينة الثانية نضيف لها كاكاو اسود + الفرينة حتى تتلم حتى تتحصلين على هذه العجينة

مبعد نقسم العجينة البيضاء الى 2

مبعد نحط العجينة  البيضاء وفوقها البنية وفوقها البيضاء

مبعد نحلها بالحلال بسمك 1سم الى 1سم ونصف ونطبع مربعات بالطابع

هذا الشكل طبقات

نحطهم في سنيوة

ندخلهم في فرن 180درجة لمدة 15الى 20د
وبقايا العجينة منعجنهاش نلمها ونحلها ونطبعها مربعات

لانو مبعد نقدر نطليها بالشكولا ميبانش شكلها
مبعد لما تطيب الحلوة نخليها تبرد ونذوب الشكولا ونطلي القاطو

نخليها تنشف قليلا
ثم نحضر قلاساج ببياض البيض وفاني وسكر ناعم حتى يولي قلاساج عاقد وندير علامة استفهام 3مرات فوق حبة القاطو

او اي شكل تحبيه والحلوة لبقات من لشيت درتلها زقزاق من الفوق تقدروا تطلوها بالشكولا

نصف المقادير قطعتلي 28حبة والبقايا جاو 8حبات ودائما لجرب يقسم المقادير.