لمشكلة

بعد بسم الله السلام عليكم
كاين بزاف الاشكال تاع لمشكلة يعني نتي وكيفاش تحبي تشكليها وانا ليوم جبتلكم شكل جميل وساهل وكانت اخت لم ادكر اسمها طلبت وصفة لمشكلة وبدون اطالة مع الوصفة.
التحضير:
العجينة:250غ فرينة+ رشة ملح +فاني+75غ زبدة طرية حكيها مليح ولميها بالماء وماءزهر واقسمي العجينة الى اثنين قسم لونيه بالملون الابيض وقسم لونيه بالكاكاو الاسود وخليها ترتاح10د.
الحشوة:300غ لوز او كوكاو مرحي+ فاني+150غ سكر قلاسي+ بيضة تكون متماسكة ملازمش تكون جارية.
نحل العجينة فلمشينة في رقم 4 ثم6 ثم 7 وقطعي دوائر 

وقطعي الحشوة كدلك دوائر ثم خدي كاين ادوات لثقب ونقش العجينة متوفرين بكثرة فسوق وديري ثقب في الدوائر البنية والبيضاء ليست كل الدوائر تثقبيها تبعي وتفهمي

او اطبعي دوائر صغيرة بطابع الوردة وهدا موجود في كل بيت

مبعد ديري دائرة بنية وادهنيها ببياض البيض وحطي فوقها دائرة الحشوة

ثم ندهنها ببياض البيض وندير دائرة بنية اخرى

وندهنها ببياض البيض وندير دائرة بيضاء مثقوبة

من هدوك الثقب يبان الون البني وهكدا نعاود نفس الطريقة باللون الابيض
نقطع الدائرة الى نصفين

ونشكل بطوابع صغيرة فراشات او ورود او مكسرات لوز او جوز او بندق الشكل لتحبيه تبقى مسالة ادواق وتفنن في التزيين

وهدا الشكل البني

اما الشكل المعتاد للمشكلة ديري دائرة بيضاء ادهنيها ببياض البيض ديري دائرة حشوة وادهنيها ببياض البيض ودائرة تاع عجينة وانقشي وزوقي بالورود

تحطيهم في صينية وغطيهم وخليهم يباتوا او يرتاحو لمدة على الاقل لمدة 6 ساعات باش الحلوة تحكم الشكل كتطيب ثم دخليها في فرن هادئ 160درجة لمدة 10الى15د يعني قيس ما تنشف الحشوة والعجينة ويبقى لونها ابيض عسليها وقدميها .
وهاهي واجدة