بطاطة محمرة بالكريمة

بعد بسم الله السلام عليكم

التحضير: تاخذي 1كيلو بطاطة متوسطة الحجم وتكون قشرتها بيضاء تغسليها مليح مليح

مبعد تقسمي كل حبة على2 وكل نص خليه مع النص تاعو

مبعد ديريلها ملح وفلفل اسود

ثم قطعي الثوم دوائر رقيقة شفافة وحطي في كل نص بطاطة دائرة من الثوم  ورشي عليهم زعيترة انا درت زعتر

مبعد عاودي اغلقي كل حبة بطاطة كيما كانت وديريها في ورق المنيوم

اغلقي عليها الالمنيوم مليح

حطيها في صينية الفرن

ودخليها في فرن 180 الى 200ددرجة لمدة 1ساعة وربع.
مبعد هذي البطاطة عند التقديم تسقيها بصلصة بيشمال خفيفة او جبن سائل
بيشمال رائعة: 1كاس شاي زيت على النار يسخن+ 1كاس شاي ونص فرينة حمصيهم + قطعة فورماج ابيض انا درت وحدة شاف +ملح وفلفل اسود وجوزة الطيب + 2كيسان حليب تدريجيا ونخلط ولازم تخليها خفيفة باش تسقي البطاطة

لما تطيب البطاطة خرجيها من الفرن ونحيلها الالمنيوم

 راه تكون طايبة زبدة
سقيها بالبيشمال المخففة

وانا قدمتها مع ستاك مقلي او كيما تحبي تقدميها

تقدري تقشري البطاطة قبل الطهي.