لمخاخ مالحين لتزيين السلطة ولا اروع

بعد بسم الله السلام عليكم

التحضير:
العجينة:250غ فرينة+2مغارف زيت+مغرف سكر +رشة ملح+جلجلان محمص+زيتون اسود مقطع رقيق نخلط ونجمعها بالماء حتى نتحصل على عجينة طرية نخليها ترتاح.

مبعد نحلها بالحلال

زنقطع مستطيل طويل ونلويه علة ليقار تاع الحديد تلفي مرة وحدة وتلسقي مليح ومتوصليش العجينة لخارج الاطراف تاع المول باش تتنح بسهولة حطيهم في صينية الفرن

ودخليهم يطيبوا مبعد خليهم يبردوا ونحيهم من لمول

ثم نحضر الحشوة: كورنيشون مقطع + ماييز + زيتون اسود واخضر + مايوناز

نخلطهم ونعمر لمخاخ بالحشوة
ثم نفرش اوراق سلطة خضراء في صحن التقديم وندير سلطة روز في الوسط على شكل هرم

وديري لمخاخ واقفين حول سلطة الروز

وزوقي بالطماطم والزيتون الاسود حسب الذوق