تارت اوبرا

بعد بسم الله السلام عليكم ليوم لمحبي الشكولا نقدملكم تارت اوبرا هي تارت هايلة وتقدم في كل مناسبات اعياد ميلاد...........الخ وهي سهلة التحضير.
التحضير: عندك تحضري 2 قطع من البسكوي والوصفة موجودة هنا نفس طريقة التحضير تحضري 2 بسكوي وكل بسكوي تقسميه الى 4 بحيث يكون عندك 4 قطع
وهدا رابط تحضير البسكوي
البسكوي
4بيضات
120غ سكر
100غ فرينة
25غ كاكاو
فاني
رشة ملح
ثم تحضري كريم موسلين وهي: كريم باتسيير + زبدة وتخلطي وليحب مقادير كريم باتسيير نعطيهالو
ناخد قطعة بسكوي نرشها بالسيرو ثم ندير طبقة من كريم باتسيير ثم بسكوي وهكدا حتى نكمل الاربع طبقات ثم ندهن الوجه بطبقة خفيفة من لكريم باتسير 
ثم نحضر ganache de chocolat: غ100 شكولا نوار+50غ زبدة+50غ كريم فريش يدوب نغطي التارت كامل بهدا القناش تقدروا ديرو قلاساج شكولا عادي مبعد خليها تنشف قليلا وديري خطوط ملفوق بالشكولا وزيني الجوانب باللوز ايفيلي.
تقدري ديري بسكوي ابيض وتقدري ديري كريمة الزبدة.
وهدا رابط البسكوي الابيض
سكوي عندك 5 بيضات + فاني +90غ سكر تخبطيهم حتى تصبح رغوة هذه المرحلة مهمة
+ 75غ فرينة مغربلة تخلطيها بدون خلاط بملعقة خشب ثم ديريها في مول تاع البسكوي يكون مغلف بالورق الخاص بالطبخ ودخليه يطيب في فرن 200 درجة لمدة 10د.

وتارت اوبرا تجي بالشكولا فقط وانا زدت لمستي