كيلة سمن ذايب
3 مغارف او 2 فرينة
رشة ملح
ماء وماءزهر
الحشوة: تمر منقي ليس ليباع جاهز هذاك يرحوع بالنواة اشريه ونقيه فدار واعجنيه مع شوي كبابة ورشة قرنفل وقرفة رشة وشوي سمن وماءزهر حتى يولي معجون
زيت للقلي وعسل للتزيين
التحضير: سميد + ملح +فرينة+ سمن حكي مليح وخليه يرتاح يبات او ساعة او نصف ساعة
مع التجربة وليت نخليه نص ساعة ونخدمو مبعد زيديلو الماء والماءزهر واخدمي بيدك حتى يتلم
مبعد ديري حربوش واحفريه وديري في وسطه حشوة التمر
مبعد لسقي مليح واطبعي بطابع المقروط ولا تحبي بلا ما تطبعيه
قطعي مقروطات
ثم هذي من النصائح المهمة لازم الزيت يكون غزير باش تحطي المقروط يعوم في حمام الزيت وبلا ما تقلبيه ويتحل ومديريش كمية كبيرة من الزيت اقليه في كسرونة صغيرة تعوم بالزيت ويتقلى مليح ومتستهلكيش الزيت
حطي المقروط يتقلى حتى يحمار
ثم مباشرة حطيه في عسل يكون مخفف بماء زهر
من اهم النصائح لنجاح المقروط:
نوعية السميد تلعب دورهام في نجاح المقروط لازم تكون متوسطة كيما نديرو بيها طمينة
لان نوعية السميد هي لتنجح المقروط وما يتحلش فلقليان
لما تخدمي المقروط وتجي تقلي جربي حبة ولا تحلت ابداي اغطسي بالحبة في الماء ونشفيها واقليها هكذا ميتحلش حتى ولو هذي الوصفة تاع 4 كيلات متتحلش
لما تقلي المقروط تعسليه بعسل خفيف ودائما عند التقديم تدهنيه بعسل ثقيل باش يعطي بنة ولمعان.
0 التعليقات:
إرسال تعليق