لمخاخ

نبدا بسم الله مع

لمخاخ
المقادير:500غ فرينة
100غ زبدة ذايبة
رشة ملح
فاني
ماء وماء زهر
زيت للقلي
القليل من النشاء
للتزيين: كريم باتسيير
شربات:كاس سكر+كاس ونص ماء+قطرات من عصير اليمون تغلي مدة10د.ء
لوز او بيستاش مدشش
التحضير: فرينة+ملح وفاني+ زبدة حكي مليح ولمي العجين بالماء والماءزهر حتى تولي عجينة طرية غطيها وخليها ترتاح 1ساعة.
حلي العجينة بالحلال او بالمشينة ديري النشا ونتي تحلي فلعجينة بسمك3 مم يعني اذا حليتيها فلمشينة في رقم7
وقطعي مربعات ويكون عندك لمول تاع الاينوكس لنخدمو بيهم لسيقار ولتويل وهذا شكلهم

ولوي العجينة على المول دورة وحدة ولظي مليح باش ميتحلش فلقليان

واقليهم حتى يتحمروا شوي

لما تقليهم تنحي المول غير بشوية باش متفتتش السيقار مبعد خليهم يبردوا
مبعد تحضري كريم باتسيير وصفتي موجودة في الجزء الاول وتعمري السيقار بواسطة كيس حلواني باش يسهل عملية حشو لمخاخ تعمريهم بالكريم وتحطيهم في صينية التقديم وتسقيهم ملفوق بالشربات وتزوقي بالمكسرات لعندك انا درت لوز مدشش بصح بالبيستاش احسن يعطي لون اخضر جميل.