افخاذ الدجاج الكذابة

بعد بسم الله السلام عليكم

التحضير:

العجينة: ربع كاس زبدة ذائبة+ بيضة+ ملح+ فلفل اسود+نص كاس حليب +مغرف خميرة الخبز + الفرينة حتى تتلم وتولي عجينة متماسكة

 غطيها وخليها ترتاح.
الحشوة: في مقلة ضعي بصلة مسكرفجة + 2 سنات ثوم + زيت+ صدر دجاج مقطع مربعات صغيرة + ملح +فلفل اسود

ضعيها على نار قليلة وقليهم مع بعض+ 2حبات جزر مسكرفج

تقدري تزيدي قرعة مسكرفجة خليهم على نار هادئة حتى يطيبوا  مبعد نحيهم من النار وضيفيلهم زيتون دوائر وفورماج مقطع

نحل العجينة متكونش رقيقة ولا خشينة انا حليتها فلمشينة في رقم 5 نقطع دوائر ندير الحشوة

ثم نشكلهاعلى شكل فخذ دجاج

نرمدهم في الفرينة

وندخلهم للثلاجة قليلا

مبعد نجبدهم نغطسهم في البيض مبعد في شابلير ونقليهم

حتى يحماروا مليح نقطرهم في ورق ماص

مبعد نقدمهم بالصحة والعافية