طاجين لحلو بالسوفلي

بعد بسم الله السلام عليكم

كيما وعدتكم كنت قدمتلكم شباح السفرة وهذا المرة جبتلكم سوفلي يتقدم مع طاجين لحلو من اروع مايكون  زين وهمة يتقدم في الاعراس مباشرة مع التحضير.
التحضير: نحضروا طاجين لحلو كيما وسبق وعطيتكم طريقتي في هذا الرابط
http://yasmina177.blogspot.com/2014/05/blog-post_9880.html

من جهة اخرى نحضر السوفلي: نضع 3صفار البيض+ كاس شاي سكر+ فاني + مغرف ونص فرينة+ كاس ونص لوز مرحي بقشوره انا درتوا بلاقشور + نص كاس حليب حطيها في كسرونة

حطيهم على النار مع التحريك حتى تعقد نحيها من النار

خليها تبرد تماما لازم تبرد مبعد ضيفيلها نص باكي خمارة وخلطي + 3بياض البيض كالثلج وخلطي غير بشوية حتى تتحصلي على هذا الخليط

تاخذي لمول صغار تاع لسوفلي او تاع لمادلان تدهنيهم بالزبدة وترشيهم بالفرينة وتعمريهم بالخليط وتخلي قيس 2صباع على لفوق بلانو راح يتنفخ

دخليهم يطيبوا حتى يتنفخوا ويحماروا ومتحليش عليهم الفرن حتى يطيبوا تماما.
من جهة اخرى حضري سيرو باش تسقي السوفلي
سيروا: 250غ سكر + نص لتر ماء ميكونش خفيف وميكونش ثقيل تحبي ديري فيه زبيب 
لما يطيب السوفلي ثقبيه بالسكين وحطيه فسيرو يتشرب كيما البابا مبعد حطيه في وسط الصحن وزوقيه ملفوق بالشانتي وحبة كرز وحطي معاه مرق لحلو بالبرقوق وتحبي البرقوق تعمريها بالحشوة وتشكلي وردات بالبرقوق او المشماش طبعا تزيني حسب الموجود عندك