حلوة الطبقات بطريقة جديدة اروع ما يكون

بعد بسم الله السلام عليكم

هذي حلوة الطبقات بطريقة جديدة جات رااااااااااائعة بدون اطالة مع الوصفة
التحضير: الطبقة الاولى:
3بيضات +  كاس سكر خبطيهم مليح+ نص كاس زيت +فاني ورشة ملح + فرينة + 2 خمارة وتلمي حتى تتحصلي على عجينة طرية ندهن مول كبير تاع الفرن ونخبز هذي العجينة فيه على شكل طبقة 

ثم ندهنها بالمعجون

مبعد نحضر الطبقة الثانية:
6بيضات+ كاس سكر + كاس زيت نخبطهم مع بعض+فاني ورشة ملح + 3كيسان ونص فرينة+3خمارة + 2مغارف كاكاو اسود ونخلط في الاخير نضيف كاس حليب ونخلط ضروري الحليب نضيفوه في الاخيرتتحصلين على عجينة تشبه تقريبا الكيك

نفرغها فوق المعجون

وندخلها تطيب ثم نخليها تبرد .
التزيين: تحبي تطليها بالمعجون وتزوقي باي مكسرات عندك او تطليها بالشكولا حسب ذوقك
انا ذوبت 2علب شكولا مع 4مغارف ماء واطليت الحلوة

 خليتها نشفت وقطعتها مربعات

وزوقتها بقلاساج ابيض درت سكر قلاسي +فاني وقطرة زيت وحليتهم بالحليب وخليتو شوية عاقد وزوقت القاطو حسب الذوق

هنا شوفوا الطبقات

حقيقة روعة هذي الحلوة نتمنى تجربوها وتدعولي .

ملاحظة: هنا  المقادير لمول تاع الفرن الكبير على شكل مربع او مستطيل وتقطع ماشاء الله انا درت نصف المقادير فلمول لشفتوه وفي الطبقة الاولى درت 2بيضات صغار في نصف المقادير .