الكيك السحري

بعد بسم الله السلام عليكم

هذا الكيك يسموه سحري لانو يتحضر بطريقة ومقادير بسيطة بصح كندخلوه للفرن يتفرقوا الطبقات ويصبح من 3طبقات كريمة وفلان وكيك ذوقه هايل ومختلف على الكيك العادي بدون اطالة مع الوصفة.
المقادير:
4بيضات
150غ سكر
فاني ورشة ملح
2مغارف عصير ليمون
مغرف ماء
125غ زبدة ذايبة
115غ فرينة
نصف لتر حليب
التحضير:اولا نفصل الصفار عن البياض 
نسخن الحليب ونخليه يدفا نسخنوه فقط منغليهش
نضرب صفار البيض+السكر+الماء+ ملح نضربوه مليح حتى يولي الكريمة

 مبعد نضيف زبدة ذايبة وباردة 

ونخلط ونضيف الحليب وفاني وعصير الليمون ونخلط+ الفرينة ونخلط
من جهة اخرى نطلع بياض البيض كالثلج+ مغرف عصير ليمون ونخلطوه بشوية مع الخليط الاول راح تتحصلي على خليط نوعا ما سائل ميشبهش لخليط الكيك العادي

تدهني مول صغير وتفرشيه بورق الطبخ وتفرغي الكيك

وتدخليه لفرن 150درجة لمدة من 50الى 55د.
لما يطيب

خليه يبرد مبعد دخليه للثلاجة لمدة 5ساعات يعني تخدميه صباح وتقدميه في المساء
مبعد رشيه بسكر قلاسي وقطعيه

شوفوا هنا الطبقات

ذوق مختلف ولذيذ.