خبز بشكل وردة

بعد بسم الله السلام عليكم

التحضير:
300غ سميد رطب + 350غ فرينة + 2مغارف زبدة+ ملح + حبة الحلاوة+ 2بيضات +مغرف كبيرة خميرة الخبز

نخلطهم ونلمهم بماء دافئ نتحصل على عجينة طرية

نغطيها بورق الفيلم 

ونحطها فوق حمام مائي على نار متوسطة لمدة 5د فقط ملازمش تفوتي 5د

مبعد نحيها من الحمام المائي

كسريها  وشكلي كرة متوسطة و8كرات صغيرة

مبعد اخبزي الكرة المتوسطة وحطيها في وسط صينية الفرن واخبزي الكرات الصغيرة وحطيها بجانب الكرة الكبيرة راح تتحصلي على شكل وردة

خليها تخمر مبعد ادهنيها بخليط سمن ذايب مع صفار بيضة وزوقي بالسانوج والحبة حلاوة

دخليها تطيب في فرن200درجة حتى تحمار

ملاحظة: هذا الخبز يستحسن ياكل مع الشربة او اي انواع الحساء يجي مبسس هايل.