بعد بسم الله السلام عليكم
كانت عندي بقايا من العجينة المورقة درتها ملفاي وصورت المراحل بطريقة بسيطة وسهلة كالعادة.
التحضير: نحل العجينة المورقة تكون رقيقة تاع الملفاي ونديريها في سنيوة ونثقبها مليح
ونحط فوقها سنيوة تكون قيسها ونلظ
وندخلها الى فرن ساخن200درجة العجينة المورقة في البداية تحب الفرن ساخن بزاف نخليها حوالي 10الى 15د مبعد نح السنيوة ونقص الفرن180درجة ونخليها حتى تحمار.
الكريمة: كاس حليب+بيضة+مغرف مايزينة+فاني+2مغارف سكر كلشي بارد في بارد ونحطها على نار متوسطة مع التحريك حتى تثقل نحها من النار ونخليها تدفا ونضيفلها قطعة زبدة ونضربها معاها ونخليها تبرد.
نقطع العجينة المورقة بعد ما طابت الى 3قطع متساوية انا درت كمية قليلة قطعتلي 6حبات وليحب يكثر الكمية يدير 3 قطع من العجينة كيما شفتها في الصورة 1 بلا ما يقطعهم.
نحط القطعة الاولى وندهنها بالكريمة
ثم ندير فوقها القطعة الثانية ونلظ مليح
ونعاود ندير الكريمة كطبقة 2
والطبقة الثالثة من العجينة المورقة
ونلظ مليح دائما اذا كانت الكمية كبيرة لظي بصينية .
الفوندون: كمية من السكر الناعم+فاني+رشة ملون ابيض ونحلها بالحليب قطرات فقط لازم تكون شادة روحها باش ماتسيحش على الاطراف اطلي الملفاي
وديري خطوط من الشكولا او نفس الفوندون زيديلو كاكاو اسود وزوقي كيما الملفاي بواسطة كيردون
دخليها للثلاجة تبرد حوالى 1ساعة ثم قطعيها وقدميها
على فكرة الملفاي يتحضرفي المحلات بالعجينة المورقة المكسرة والعجينة موجودة هنا في المدونة .
كانت عندي بقايا من العجينة المورقة درتها ملفاي وصورت المراحل بطريقة بسيطة وسهلة كالعادة.
التحضير: نحل العجينة المورقة تكون رقيقة تاع الملفاي ونديريها في سنيوة ونثقبها مليح
ونحط فوقها سنيوة تكون قيسها ونلظ
وندخلها الى فرن ساخن200درجة العجينة المورقة في البداية تحب الفرن ساخن بزاف نخليها حوالي 10الى 15د مبعد نح السنيوة ونقص الفرن180درجة ونخليها حتى تحمار.
الكريمة: كاس حليب+بيضة+مغرف مايزينة+فاني+2مغارف سكر كلشي بارد في بارد ونحطها على نار متوسطة مع التحريك حتى تثقل نحها من النار ونخليها تدفا ونضيفلها قطعة زبدة ونضربها معاها ونخليها تبرد.
نقطع العجينة المورقة بعد ما طابت الى 3قطع متساوية انا درت كمية قليلة قطعتلي 6حبات وليحب يكثر الكمية يدير 3 قطع من العجينة كيما شفتها في الصورة 1 بلا ما يقطعهم.
نحط القطعة الاولى وندهنها بالكريمة
ثم ندير فوقها القطعة الثانية ونلظ مليح
ونعاود ندير الكريمة كطبقة 2
والطبقة الثالثة من العجينة المورقة
ونلظ مليح دائما اذا كانت الكمية كبيرة لظي بصينية .
الفوندون: كمية من السكر الناعم+فاني+رشة ملون ابيض ونحلها بالحليب قطرات فقط لازم تكون شادة روحها باش ماتسيحش على الاطراف اطلي الملفاي
وديري خطوط من الشكولا او نفس الفوندون زيديلو كاكاو اسود وزوقي كيما الملفاي بواسطة كيردون
دخليها للثلاجة تبرد حوالى 1ساعة ثم قطعيها وقدميها
على فكرة الملفاي يتحضرفي المحلات بالعجينة المورقة المكسرة والعجينة موجودة هنا في المدونة .
اممممممممممم جوعتيني نموت على الميل فاي الف شكر على الوصفة المبسطة بارك الله فيك
ردحذفيبارك فيك فوفو نورتيني توحشتك
ردحذف