تارتلات باللحظة

بعد بسم الله السلام عليكم

هذي الحلوة بنينة بزاف بزاف ومناسبتية وسهلة التحضير متاخذش الوقت بزاف
التحضير:
العجينة : 3كيسان فرينة + فاني + رشة ملح + كاس سمن ذايب حكي مليح ولميها بالماء وماءزهر غطيها وخليها ترتاح.

الحشوة:
2بيضات+ نصف كاس سكر عادي + فاني + نصف كاس زيت  خبطيهم بالباتور مليح + نصف كاس حليب سائل وخلطي + كاس لحظة محمصة يعني حليب غبرة محمص + كاس لوز مرحي بقشوره + كاس فرينة + 1خمارة وخلطيهم مع بعض تتحصلي على هذه الحشوة

الحشوة لونها بني لانو فيها اللوز بقشوره واللحظة محمصة
نحضر لمول تاع تارتلات يكون قطرهم 7سم

او هذا الشكل

بعد ما ترتاح العجينة نحلها بالحلال ثم نفوتها في المشينة في رقم 1 مرتين ثم في رقم 5 ونطبع دوائر برقم 10

ديري دوائر العجينة في لمول

وعمريهم بمغرف ماشي معمرة تاع الحشوة او اقل من مغرف لان الحشوة فيها بيض وخمارة وراح تنتفخ

ورشي على الوجه لوز ايفيلي

حطيهم في صينية الفرن ودخليهم يطيبوا في فرن 180درجة لمدة 20الى 25د.

لما يطيبوا خليهم يبردوا مبعد ادهني الوجه بلاجولي وديري نصف حبة كرز على كل حبة

ملاحظة :  هذي الحلوة حتى وتحضريها بالكوكاو وتجي بنينة بزاف.