الرغيف المصري بالشوارما والتورتيلا والفلافل

بعد بسم الله السلام عليكم

التحضير:
الرغيف المصري: 500غ فرينة+مغرف خميرة+نص مغرف ملح+2مغارف سكر ونلمها بالماء دافئ حتى تتلم تكون عجينة متماسكة ندلكها مليح لمدة5د نغطيها ونخليها تخمر .
بعد ما تخمر نشكل كرات قد حبة المندرين

مبعد نحلهم ومنرقهمش بزاف 

نحطهم في مقلة على نار متوسطة غير تبدا تدير فقاعات نقلبها

نخليها قليلا مبعد مباشرة نكون دايرة شباك فوق النار مباشرة تكون النار متوسطة الشباك تاع شواية او اي شباك عندك نحط فوقه الخبزة راهي تتنفخ ثم ثم

نقلبها للجهة للاخرى ونخليها قليلا ونحها

شوفوا كيفاش خاوية من داخل

الحشوة: درت شوارما الدجاج الوصفة موجودة هنا في المدونة وفريت وسلطة مقطعة رقيق وفورماج صنع منزلي الوصفة كذلك هنا.

واحشيتهم كذلك بالفلافل
250غ حمص مشمخ ديريه في روبو مع نص حبة بصل+2ثوم+نص ربطة قسبر+ملح

ارحيهم مليح حتى تتحصلي على هذا الخليط

شكليهم خبيزات واقليهم

وقطريهم

مبعد عمري بيهم الصندويتشات مع سلطة او تقدميهم كمقبلة

التورتيلا:
2كيسان فرينة+ملح+2مغارف زيت نلمها بالماء تكون يابسة شوية ندلكها5د ونخليها ترتاح10د 
ثم نشكل كويرات ندهنهم بالزيت ونحلهم بالحلال رقاق

ونديرهم في مقلة على نار قليلة لازم يطيبوا بيوضة

نحهم وانا درتهم على شكل صندويتش مقرمش

عاودت درتهم في مقلة ودرتلهم من حشوة الشاورما وجبن مرحي تقدري ديري دجاج وفلفل وبصل كذلك تجي هايلة وكنت درتهم بالفلافل 

وتقلبيها كالسوفلي وتلظي وديري قطرات من الزيت

تجي مقرمشة اممممممممممم