كيكة باردة بالفلان والفواكه

بعد بسم الله السلام عليكم

التحضير: 2بيضات+كاس صغير سكر ضربيهم مليح+ مغرف صغيرة خل+ 5مغارف لوز مرحي او جوزالهند وخلطي +3/4كاس صغير زيت+ كاس صغير حليب وخلطي +فاني ورشة ملح+2خمارة والفرينة حتى تولي كيما خليط الكيك نديرها في مول ذو قاعدة متحركة يعني لمول ليتحل

دخليه يطيب حتى يحمار

الكريمة: نص كاس لحظة:+ 5علب بوتي سويس+ 4مغارف سكر +فاني

خلطيهم حتى يذوب السكر

لما تخرجي الكيك من الفرن فرغي فوقه الكريمة وعاودي رجعيه للفرن

حتى تجمد الكريمة خرجيه خليه يبرد مبعد ديري اي فواكه عندك على وجه الكيك

تحضير الفلان: نص لتر حليب+ علبة فلان اي ذوق انا درت فاني+ مغرف صغيرة مايزينة+3مغارف سكر ديريهم على النار كيما تحضري الفلان العادي مبعد فرغيه فوق الفواكه

ودخليه للثلاجة يبرد وقدميه من الاحسن ياكل بارد ويقدم مع مشروبات او كتحلية