بسكوي خفيف بالشكولا

بعد بسم الله السلام عليكم

هذا البسكوي لازم يكون عندك ميزان باش توزني كل المقادير حتى البيض توزنيه والصراحة الميزان ضروري بزاف باش ينجحوا الوصفات وخاصة في الحلويات.
التحضير:137غ شكولا+112غ زبدة ديريهم في كسرونة

ذوبيهم على نار قليلة
من جهة اخرى ضربي 150غ سكر عادي+187غ بيض البيض توزنيه بلا قشرة تضربيهم

مبعد ضيفيلهم خليط الشكولا وضربي

مبعد ضيفي 80غ فرينة+ اقل من ربع مغرف صغيرة خمارة

وخلطيهم وغلفي بورق الفيلم

ودخليه للثلاجة يبرد من 1ساعة فما فوق تقدري حتى تخليه ليلة كاملة في الثلاجة هذا البسكوي كل ما يبرد تكون النتيجة هايلة
مبعد توجدي لمول تاع لتارتلات عاليين او تاع سيليكون او انا درت لسارسو تاع تشيز كيك

تفرغي الخليط للنصف

دخليهم يطيبوا واحسبي 5د مبعد خرجيهم وديري قطعة شكولا في كل حبة وعاودي رجعيهم يكملوا الطياب بلا ما تفتحي عليهم.
مبعد نحيهم من لمول ورشي عليهم سكر ناعم او اطليهم بالشكولا