صابلي بنوعين

بعد بسم الله السلام عليكم

التحضير: 250غ زبدة طرية +كاس سكر قلاسي +فاني خلطي مليح مليح+2بيضات كاملين +2صفار بيض وخلطي+ كاس مايزينة +رشة ملح وخلطي+1خمارة +فرينة حتى تولي عجينة طرية ملازمش تيبسيها ومتعجنيهاش قيس ما تتلم باش تجيك مرملة تتفتت خليها ترتاح 10د.
حليها بالحلال مبعد فوتي عليها الحلال المزخرف واطبعي بطابع الصابلي شكل دائري او مربع او قلوب او ...............الخ

حطيهم في صينية الفرن

ودخليهم يطيبوا في فرن 170الى180درجة لمدة 12الى15د ملازمش يحماروا بزاف يقعدوا صفورة

لسقي كل 2بالمعجون وعمري الثقبة بالمعجون ملون بالملون الاحمر ورشي رشة خفيفة بسكر الناعم هذا الصابلي العادي

اما النوع الثاني بسيط في التحضير لكن رائع في الشكل والذوق
نفس عجينة الصابلي نحلوها كيما النوع الاول ونطبع مربعات نطيبهم

ثم نحل عجينة السكر البيضاء ونفوت عليها الحلال المزخرف ونطبع مربعات بنفس الطابع

ثم ندهن مربع الحلوة بلاجولي ونضع فوقه مربع عجينة السكر ونثنيه للنصف الثاني والنصف لبقى نديرلوا لوز ايفيلي محمص

ثم ندير وردة من عجينة السكر باي لون تحبيه

ودائما لسقي بلاجولي مبعد ديري عقاش فضي على الوردة ورشي القليل من الملمع الغذائي