شارلوت

بعد بسم الله السلام عليكم

التحضير: تحضري بسكوي عادي كيما البسكوي رولي انا درت 4بيضات+180غ سكر+180غ فرينة +فاني ورشة ملح+مغرف صغيرة خمارة وطيبتوا
مبعد تحتاجي سارسو يعني مول بدون قاعدة وتقطعي دائرة من البسكوي بواسطة السارسو
مبعد تدهني جوانب السارسو بلاجولي وتديري انصاف الاناناس وفي كل نصف اناناس ديري حبة كرزمبعد حطي قطعة البسكوي

مبعد تحضري كريمة الزبدة وديريلها 125غ غبرة الشانتي وضربيها معاها او تحبي كريمة الزبدة وحضري شانتي وخلطيهم

ديري طبقة رقيقة من الكريمة فوق البسكوي

ثم فتتي فوقها البسكوي

وديري اي فواكه موجودة عندك انا درت اناناس وعنب 

وعاودي طبقة رقيقة تاع كريمة

ثم بسكوي وفواكه

وتغطي بالكريمة حتى تطلع متكثريش بزاف باش متجيش ثقيلة انا درت 2طبقات كريمة

 تغطيها بورق الفيلم

ودخليها للمجمد لية كاملة او من الصباح للعشية

مبعد نحي السارسو

وزوقي حسب الذوق والموجود عندك