تارت فلوريدا

التحضير:4 بيضات خبطيهم مليح حتى يبداو يطلعوا ابداي ضيفي 120غ سكر على دفعات +فاني يعني نتي تخبطي وتزيدي السكر تدريجيا حتى يولي كالرغوة

مبعد حبسي الخلاط وضيفي 120غ فرينة ورشة ملح والقليل من قشور الليمون وخلطي بمغرف ملفوق للتحت باش تحافظي على الهواءديري الخليط في مول مدور مدهون ومفرش بورق

ودخليها تطيب في فرن 180درجة لمدة 15د.

خليها تبرد واقسميها الى2 او 3 اقسام.
حضري السيرو:100غ سكر+50غ ماء على النار لما السكر يبدا يذوب ديري 15غ قرونادين سيرو تاع الرمان وطفي عليها.
حضري كريم باتسيير:2كيسان حليب+نص كاس سكر+ربع كاس مايزينة+3صفار بيض+فاني خلطي كلشي مع بعض على نار متوسطة ونتي تخلطي حتى تعقد نحيها من النار وخليها تبرد تماما.
وحضري كريم شانتي: : 100غ بودرة الشانتي+كاس ماء بارد مشي معمر+2مغارف سكر قلاسي+فاني خبطي بالباتور حتى تطلع وتولي كريمة لما تبرد الكريم باتسيير خلطيها مع الشانتي تولي كريمة رائعة المذاق
تدهني الطبقة الاولى من الكيك بالسيرو تاع الرمان

وديري فوقها الكريمة وهكذا حتى تكملي 3او2 طبقات مبعد تدهني الوجه كامل بهذي لكريمة

ثم ديري لوز مدششاو كوكاو ايفيلي على الجوانب وزوقي الوجه بالفواكه لعندك ويستحسن تارت فلوريدا بالكيوي انا ملقيتهش مدرتوش 
مبعدحضري سيروب50غ ماء+50غ سكر لما يذوب السكر ديري الجيلاتين اذا كان ورقة ذوبيها في الماء البارد واذا كان بودرة مباشرة حطيه في السيرو سخون وخلطي بسرعة وادهني بيه وجه الفواكه راح تحافظ على لونها وتقعد شادة روحها مليح.