المقادير:10بيضات
250غ سكر
فاني
1خمارة
رشة ملح
200غ فرينة
100غ مايزينة
هذي المقادير لصنع كيكتين
التحضير: نصرب5 بيضات+ رشة ملح وفاني+ و125غ سكر نخبط مليح مليح حتى تولي رغوة
ثم نضيف 100غ فرينة و50غ مايزينة ومغرف صغيرة خمارة ونخلط بمغرف خشب بالعقل باش الخليط ميهبطش ثم نحطها في مول مدور او مربع اومستطيل يكون مدهون ومرشوش بالفرينة او مفرش بورق الطبخ
ندخلها للفرن تطيب لمدة12د في فرن 180درجة.
لماتطيب نخليهم يبردوا وكل كيكة نقسمها الى زوج بحيث يولي عندنا اربع قطع
علبة فوندون اي 500غ اخدميها بيدك حتى تطرى مبعد ضيفيلها 500غ زبدة+2 مغارف زيت+فاني وتخبطي بالباتور حتى تولي كريمة وتبياض
كريمة الشانتي وهذي الكريمة بزاف يسقسوني عليها وهذي وصفتي معتمدتها سنوات
100غ بودرة الشانتي+فاني+2 مغارف سكر ناعم+كاس ماء باردمشي معمر وتخبطي بالباتور حتى تولي كريمة بالنسبة لهذي التارت درت 200غ شانتي باش تكفيك
السيرو: كاس سكر+ نصف كاس ماء +عصير ليمون شوية وديريه يطيب على نار قوية لمدة10د يكون خفيف
نبدا بمونتاج التارت
نضع طبقة من التارت نسقيها مليح بالسيرو باليد او بالبانسو وديري طبقة خفيفة تاع كريمة الزبدة
ثم كملي بهذي الطريقة مع كامل الطبقات ثم غطي كامل التارت بطبقة خفيفة من كريمة الزبدة
ثم دخليها للثلاجة لمدة10د وعاودي ادهنيها كامل بكريم شانتيي
وزوقي بالكريم شانتي ديري ورود او نجمات وديري الفواكه الموجودة عندكم وادهني الفواكه بلاجولي
0 التعليقات:
إرسال تعليق