تارت بعجينة السكر

بعد بسم الله السلام عليكم

التحضير: 
جنواز: الطريقة موجودة هنا في عدة مواضيع راح نعطيكم المقادير فقط
4بيضات+نص كاس سكر+فاني ورشة ملح+ كاس فرينة تنقصي منو 2مغارف تعوضيهم ب2 مغارف مايزينة + نص باكي خمارة ديريها في مول مدور ودخليها تطيب180درجة لمدة 25د.

نقسم الكيكة على 2او 3 نسقيها بالسيرو ونديرلها كريم شانتي  او كريمة الزبدة ونطليها كامل بالشانتي

انا نحضرها في الليل وصباح غير نزوقها بعجينة السكر
عجينة السكر في هذا الرابط
http://yasmina177.blogspot.com/2014/06/blog-post_6131.html

نلون عجينة السكرباللون الاحمر ونخلي جزء باللون الابيض ونحلها

ونغطي كامل الكيكة بيها ونلظ مليح

مبعد نحل العجينة ونطبع وردات

ونقلبهم على صينية

ونخليهم ينشفوا
ونشكل كرات صغيرة من عجينة السكر البيضاء 

نحل العجينة البيضاء وندير شريط فوق التارت ونلسق دائما بالقليل من الماء غير شوية نغطس البانسو في الماء ونلسق اذا كثرتي الماء تذوب العجينة

وكذلك ندير شريط على كامل جوانب الكيكة

نصنع بابيون ونديري في وسطة ورق الماص باش يقعد محافظ على الشكل ونحط في وسط الكيكة

ثم الوردات الصغار نديرلهم كرة بيضاء في وسطهم ونلسقها بقطرة ماء 

ونزوق بالورود على جانب التارت

نخليها في الثلاجة لحين التقديم ونح ورق الماص من البابيون يقعد شاد شكله