بعد بسم الله السلام عليكم
هذي شخشوخة مش معروفة بزاف وتجي لذيذة جداااااااا انا شخصيا نموت عليها ليوم درتها وصورتها للاستفادة باش تجربوها وتذوقو بنتها الرائعة.
الطريقة بالمراحل واي حاجة مش مفهومة تفضلوا.
التحضير:اولا تحضري المريسة وتصنع من التمر والهرماس او يسمى الفرماس او لمفرمس او لمشيمش وهو عبارة على مشماش مجفف في الشمس ويباع بكثرة في الاسواق وهاي صورته مع التمر
تغسليهم وتعوميهم يالماء وتحطيهم على النار يغلي لمدة 10د
وتطفي عليه وتخليه يبرد باش تقدري تمرسيه لما يبرد بواسطة يدك مرسيه يعني عبزيه بيدك ونتي تنحي فلعلف تاع الهرماس والتمر لما تنحي كامل العلف وتمرسيه ارحيه فلميكسور او بواسطة رحيوة الخضر تتحصلي على المريسة وهذا شكلها
تحضير لفطير: كمية من السميد الناعم وكمية من الفرينة عينك ميزانك + ملح ومغرف زيت ورشة قليلة تاع خميرة الخبز وتلمي بالماء حتى تولي عجينة طريةوغطيها وخليها ترتاح10د تحبي تدلكيها غير شوية كيما تحبوا مبعد قرسي قرصات واخبزيها رقيقة بزاف
وثقبيها
وطيبيها في طاجين المطلوع
الا معندكش الطاجين تاع المطلوع طيبيها في طاجين اخر او مقلة
مبعد قطعيها باصابعك قطع صغيرة كيما شخشوخة الظفر
تحضير المرق: لحم او دجاج+ درسة وهي ثوم وفلفل احمر حار وحلو وملح وزيت وطماطم مصبرة وقليهم مليح
بعد ما تقليها مرقي بالماء يكون بزيادة يعني متكونش ناشفة تكون كيما البركوكس
لما يطيب اللحم نحيه وارمي لفطير يطيب فلمرق ونتي تخلطي من حين لاخر وديري شوية سكر فلمرق يعطي بنة رائعة قد 2 مغارف
بعد ما تحسي طاب لفطير لمدة 10د مبعد ديري لمريسة لحضرناها سابقا ديري قد بول وخليها تغلي مع المرق لمدة5د وفي الاخير تكوني مقطعة حبة بصلة رقيقة ارميها وخليها تغلي
واذا كان عندك بصل اخضر يكون احسن يعطيها بنة رائعة وديريلها شوي بسباس يابس وطفي عليها بالصحة والهنا.
عند التقديم ديري شوي سمن على الوجه وقدميها.
ملاحظة: هذي الشخشوخة تجي كيما البركوكس يعني متكونش ناشفة يكون فيها المرق
المريسة تقدري تخدميها وتدريها في علب وتخبيها فلمجمد وقت تحتاجيها تلقايها واجدة وحنا نستعملوها فشخشوخة وفلبركوكس وبعض المرات نديروها فلمرقة تاع الطعام تجي رائعة.
لفطير كذلك تقدري تخدميه وتفتيه وتديريه في اكياس فلمجمد وقت تحبي ديري الشخشوخة تلقايه واجد لانو شوية يشد فتفتات كيما شخشوخة الظفر.
هذي شخشوخة مش معروفة بزاف وتجي لذيذة جداااااااا انا شخصيا نموت عليها ليوم درتها وصورتها للاستفادة باش تجربوها وتذوقو بنتها الرائعة.
الطريقة بالمراحل واي حاجة مش مفهومة تفضلوا.
التحضير:اولا تحضري المريسة وتصنع من التمر والهرماس او يسمى الفرماس او لمفرمس او لمشيمش وهو عبارة على مشماش مجفف في الشمس ويباع بكثرة في الاسواق وهاي صورته مع التمر
تغسليهم وتعوميهم يالماء وتحطيهم على النار يغلي لمدة 10د
وتطفي عليه وتخليه يبرد باش تقدري تمرسيه لما يبرد بواسطة يدك مرسيه يعني عبزيه بيدك ونتي تنحي فلعلف تاع الهرماس والتمر لما تنحي كامل العلف وتمرسيه ارحيه فلميكسور او بواسطة رحيوة الخضر تتحصلي على المريسة وهذا شكلها
تحضير لفطير: كمية من السميد الناعم وكمية من الفرينة عينك ميزانك + ملح ومغرف زيت ورشة قليلة تاع خميرة الخبز وتلمي بالماء حتى تولي عجينة طريةوغطيها وخليها ترتاح10د تحبي تدلكيها غير شوية كيما تحبوا مبعد قرسي قرصات واخبزيها رقيقة بزاف
وطيبيها في طاجين المطلوع
الا معندكش الطاجين تاع المطلوع طيبيها في طاجين اخر او مقلة
مبعد قطعيها باصابعك قطع صغيرة كيما شخشوخة الظفر
تحضير المرق: لحم او دجاج+ درسة وهي ثوم وفلفل احمر حار وحلو وملح وزيت وطماطم مصبرة وقليهم مليح
بعد ما تقليها مرقي بالماء يكون بزيادة يعني متكونش ناشفة تكون كيما البركوكس
لما يطيب اللحم نحيه وارمي لفطير يطيب فلمرق ونتي تخلطي من حين لاخر وديري شوية سكر فلمرق يعطي بنة رائعة قد 2 مغارف
بعد ما تحسي طاب لفطير لمدة 10د مبعد ديري لمريسة لحضرناها سابقا ديري قد بول وخليها تغلي مع المرق لمدة5د وفي الاخير تكوني مقطعة حبة بصلة رقيقة ارميها وخليها تغلي
واذا كان عندك بصل اخضر يكون احسن يعطيها بنة رائعة وديريلها شوي بسباس يابس وطفي عليها بالصحة والهنا.
عند التقديم ديري شوي سمن على الوجه وقدميها.
ملاحظة: هذي الشخشوخة تجي كيما البركوكس يعني متكونش ناشفة يكون فيها المرق
المريسة تقدري تخدميها وتدريها في علب وتخبيها فلمجمد وقت تحتاجيها تلقايها واجدة وحنا نستعملوها فشخشوخة وفلبركوكس وبعض المرات نديروها فلمرقة تاع الطعام تجي رائعة.
لفطير كذلك تقدري تخدميه وتفتيه وتديريه في اكياس فلمجمد وقت تحبي ديري الشخشوخة تلقايه واجد لانو شوية يشد فتفتات كيما شخشوخة الظفر.
0 التعليقات:
إرسال تعليق