مثلثات العقدة

بعد بسم الله السلام عليكم

التحضير: 250غ زبدة +كاس سكر ناعم خلطي +بيضة خلطي +فاني + نص كاس زيت خلطي مليح + 2مغارف حلوة الترك +كاس مايزينة خلطي +رشة ملح +1خمارة + الفرينة حتى تتلم
نحلها ونطبع مثلثات

ندخلهم يطيبوا

من جهة اخرى نحضر الحشوة: كاس كوكاو محمص ومرحي+2مغارف حلوة الترك ولميهم بالمعجون تكون جارية شوية

كي يطيبوا ادهنيهم بالمعجون يعني كل مثلث ادهنيه

حطي الحشوة فوقه

واغلقي بمثلث اخر

مبعد غطسيهم فشكولا وزوقي كيما تحبي ديري زقزاق بالقلاساج الابيض وديري وردة بنية في الوسط او انا درت حبات بندق وجوز ودرت زقزاق بالشكولا وكي نشفوا ادهنتهم بالملمع الذهبي يعني تزيني حسب ذوقك.

مزيد من المعلومات »

حلوة خفيفة بالزيت

بعد بسم الله السلام عليكم

التحضير:
كاس زيت+كاس سكر قلاسي اخدميهم مليح بكف اليد حتى يبياضوا+ بيضة  وخلطي+نص كاس فرينة +نص باكي خمارة +رشة ملح+ مغرف عطر الليمون  اذا معندكش ديري فاني خلطيهم +المايزينة حتى تتلم تكون طرية.

نحتاج  هذا المول تاع سيليكون او تقدروا  تستعملوا لمول تاع لحديد تاع في نفس الشكل

نشكل العجينة  كرات نرمدهم في جوز الهند مرحي

مبعد ديريهم في مول السيليكون واخبزي اذا كان لمول جديد ادهنيه ورشيه بالفرينة باش ميلسقش.

دخليهم يطيبوا راهم ميطولوش بلخف يطيبوا خليهم يبردوا تماما باش تنحيهم والا يتفتتلك القاطو مبعد ديري في الثقبة لاجولي وديري حبة كرز ورشيهم بقليل من السكر الناعم.

مزيد من المعلومات »

محاجب بالعجينة المورقة حصريا واروع ما يكون

بعد بسم الله السلام عليكم

هذا لمحاجب ذوقهم راااااااااااااااااااائع جدا
التحضير: تحضري شكشوكة تاع لمحاجب حارة ارحيها وتكون عاقدة ومتكثريش الزيت فيها.
نحتاج العجينة المورقة نحلها رقيقة  لازم ترقيها ونقطع مربعات كبيرة

ثم نثقبها

                         وندير الحشوة في وسطها كيما نديروا لمحاجب العاديةالصورة مدخلتليش

ونطوي كيما لمحاجب  

                                                                                                            نحطها في صينية الفرن

ندهنها بالبيض

وندخلها تطيب في فرن 200درجة حتى تحمار مليح      

وهنا شوفوها من داخل طايبة مليح وبنتها روعة

                     

مزيد من المعلومات »

قرتان بالبطاطة والدجاج

بعد بسم السلام عليكم

التحضير: صدر دجاج نغليه حتى يطيب ثم نفتوه بشكل طولي 
في مقلة نذبل حبة بصلة مقطعة ثم نضيفلها الدجاج+ملح+فلفل اكحل+1دجمبو دجاج نقليهم ثم نضيف لهم القليل من البيشمال او جبن مرحي ونخلط.

نقلي بطاطة دوائر.
في مول مدهون ندير طبقة بطاطة 

ثم حشوة تاع الدجاج

ثم نغطي بالبطاطة المقلية

ثم نخلط 2 بيضات+نص كاس حليب+ملح وفلفل اكحل+مغرف مايوناز

نصربهم ونفرغهم فوق القرتان

وندخلهم للكوشة يحمار

مزيد من المعلومات »

حميس رائع

بعد بسم الله السلام عليكم

التحضير:

فلفل حار +فلفل حلو+طماطم ادهنيهم بالزيت وديريهم في الفرن حتى يتشواو مليح
ثم قشريهم وقطعيهم وديريهم في ميكسور+ثوم+ملح+فلفل اكحل +قسبر اخضر مقطع+زيت زيتون او 
زيت عادي ارحيهم غير شوية قيس ما دشيهم فقط ثم حطيهم في علبة في الثلاجة وعند التقديم اسقيهم من فوق بزيت الزيتون او زيت عادي هذا الحميس تقريبا ميخطينيش رائع.

مزيد من المعلومات »