طورطة بالديول

بعد بسم الله السلام عليكم

التحضير: في مقلة ضعي زبدة وزيت+بصلة متوسطة مقطعة رقيق ذبليها +لحم مرحي+ملح وفلفل اكحل وخليها تطيب بصح متنشفيهش بزاف نحيه من النار خليه يبرد وضيفيلوا معدنوس مقطع +3بيضات+فورماج ابيض +ملح وخلطي.
خذي 5الى6 ورقات ديول ادهنيهم بخليط زيدة وزيت مبعد حطيهم في مقلة تكون سخنت على النار وحطي فوقهم خليط اللحم وعاودي ديري فوقهم 5ورقات ديول كذلك مدهونين وحاولي تدخلي الاطراف في بعضهم واقلبيها طيبيها كيما الاوملات حتى تحمار 
جات هايلة وساهلة.

مزيد من المعلومات »

بوراك بالبطاطة والمرقاز

بعد بسم الله السلام عليكم

هذا البوراك يجي هايل ومجرب مرارا
التحضير: بطاطة ملحيها وفوريها مبعد ارحيها وضيفيلها فورماج واعجنيها بيه.
المرقاز اقليه ونشفيه من الزيت.
خذي حبة المرقاز وغلفيها بالبطاطة

حطيها فوق ورقة الديول وشكلي حبة بوراك

اقليه وقدميه بالصحة حبة تكفي لكل شخص

مزيد من المعلومات »

تحلية بكريم ديسار ذوق كرمال

بعد بسم الله السلام عليكم
 اولا صور مراحل هذه التحلية بصح الصور محبوش يخرجولي مزية كاينة الصورة النهائية في المدونة راح  نكتب الموضوع طلبا من الاخوات واذا دخلوا الصور راح نضيفهم للموضوع

التحضير: لتر حليب+كاس سكر+3/4 كاس مايزنة+ 4علب او5 كريم ديسار ذوق كرمال ضعيها على النار لما تبدا تغلي الغلية الاولى نحيها وفرغيها في اكواب خليها تبرد وزوقيها حسب ذوقك انا غطست حبات التمر في الكرمال وزينت بيهم تقدري ديري شانتي .........الخ وكذلك درت شوية كرمال في الاكواب قبل الكريمة هذي اضافة ليحب يديرها .

مزيد من المعلومات »

سلطة فواكه بالفلان

بعد بسم الله السلام عليكم

التحضير: ربع لتر عصير البرتقال انا درت المعلب+باطة فلان فاني لنديروها في نصف لتر حليب انا درت نوارة +مغرف مايزينة خلطيهم وصفيه وديريه على النار لما يغلي الغلية الاولى ديريه في اكواب

دخليه للثلاجة يجمد
حضري سلطة فواكه حسب الذوق وديريها فوق الفلان وقدميها

مزيد من المعلومات »

كيش بالدجاج والزيتون

بعد بسم الله السلام عليكم

التحضير: عجينة مكسرة تحليها وديريها في مول كبير او في لمول صغارثقبيها ودخليها تطيب لمدة 15د.

الحشوة : في مقلة ديري شوية زيت+صدر دجاج قطعة  صغيرة مقطعة مربعات+ بصل مسكرفج+ملح+فلفل اسودقليها مليح مليح +الزيتون دوائر والمعدنوس وطفي عليها.
من جهة اخرى صربي كاس كريم فريش انا مكاش عندي درت 4علب بوتي سويس+2بيض +ملح+فلفل اسود ضربيهم +جبن مرحي وخلطيهم مع الدجاج وعمري لكيش

دخليها للفرن تكمل الطيا وتحمار

مزيد من المعلومات »

بوراك لعجين

بعد بسم الله السلام عليكم

التحضير:225غ فرينة+2مغارف كبار زبدة طرية+ملح حكي مليح ولميها بالحليب البارد
حليها رقيقة واطبعي دوائر عمريهم باللحم مرحي وقطعة فورماج

اغلقي  بواسطة فرشيطة

اقليهم على نار متوسطة وقدميهم

مزيد من المعلومات »

بطاطة محمرة فلكوشة بصوص الشوارما

بعد بسم الله السلام عليكم

التحضير: 1كلغ بطاطة قطعيها كيما لفريت بصح شوية خشينة ضفيلها ملح+عصير ليمون +فلفل اسود+قسبر يابس+كمون+سكنجبير+راس الحانوت+كركم+1ثومخلطيها وديريها في كيس الشواء+مغرف زبدة اذا كانت البطاطة بزاف وزعيها على الاكياس وفي كل كيس ديري مغرف زبدة.

من جهة اخرى ديري صدر دجاج مقطع او لحم مرحي+بصلة مقطعة رقيق+ 3ثوم مسكرفج+قسبر ومعدنوس+2مغارف زبدة+نفس التوابل لحطيناهم في البطاطة +1طماطم مسكرفجة مبعد ديريها في كيس شواء وكذلك اذا كانت الكمية كبيرة وزعيها على اكياس الشواء اغلقيهم  البطاطة ديريها مباشرة تتشوى اما الدجاج ديريه في حمام مائي دخليهم للفرن لمدة 1ساعة ونص.

مبعد كي يطيبوا حطي البطاطة في صحن

وسقيها بصوص الشوارما

ورشي عليها جبن مرحي

مزيد من المعلومات »

كباب في الكوشة بطريقة جديدة ورائعة

بعد بسم الله السلام عليكم

التحضير: طرف من صدر دجاج ديري بيه مرقة بيضا بالحمص +بصل +معدنوس+ملح+فلفل اكحل+سمن+قرفة+سكنجبير قلي ومرقي متكثريش الماء لانو نتحتاجو غير شوية مرقة عاقدة.
من جهة اخرى قطعي 3حبات بطاطة دوائر بالطول واقليهم.
خذي مول تاع ىلتارت وادهنيه مليح بالزبدة

حطي فيه 4 او5 ورقات ديول وادهني بين الورقة والخرى بالزبدة وطلعي الاوراق على الحواف لازم يكونزا طالعين

ثم ستفي البطاطة وحدة بجانب الاخرى بحيث تغطي الاوراق وطلعيهم على الحواف باش يجوا على شكل وردة

مبعد لمايطيب الدجاج نحيه وفتيه ورجعيه للمرقة تكون قليلة وباردة+معدنوس+ملح+ فلف-ل اكحل+سنة ثوم+4بيضات وخلطي

وفرغي فوق البطاطة

دخليها للفرن حتى تحمار

مزيد من المعلومات »

قلب اللوز

بعد بسم الله السلام عليكم

لبارح جربت هذا الوصفة تاع قلب اللوز خرج رائع
التحضير: دائما في قلب اللوز نبدا بالشربات في كسرونة ضعي رطل سكر +1لتر ماء +ماء زهر واذا عندك قطعة صغيرة جدا تاع شب يغلي 15 الى 20 د وطفي وخليه يبرد.
1كلغ تشيشة نصف غليظة الخاصة بقلب اللوز كيليها 3كيلات+2كيلات سكر حكيهم مليح مليح حتى يدخل السكر في التشيشة+ملح+رشة فاني +كيلة ماء زهر وزيدي فيه عطر الماء زهر يعطي ذوق رائعوخلطي وغطيه لمدة 10د

ادهني سنيوة مليح بالسمن وحطي نصف كمية التشيشة في المول بلا ما تخبزيها

ديري كمية من اللوز او الكوكاو غير شوية +قرفة +شوية من خليط التشيشة وخلطي ووزعيه فوق العجينة

وغطيه بالقسم الثاني تاع العجينة اخبزي مبعد بواسطة مغرف اغطسيها فسمن وبظهرها سوي الوجه

ديري خطوط بالسكين بلا ما تقطعي لانو حتى وتقطعي يروح التقطاع كيطيب ورشقي حبات لوز او كوكاو

ودخليه لفرن سخون 200درجة حتى يحمار مليح لما تخرجيه سقيه بالشربات على 3دفعات بمعنى سقيه ومبعد5د زيدي سقي وهكذا خليه يرتاح مليح ومبعد قطعيه

الصراحة جا رائع.

مزيد من المعلومات »