حلوة بالمرانغ

بعد بسم الله السلام عليكم

التحضير:
العجينة: 125غ زبدة +50غ سكر ناعم+بيضة+فاني +رشة ملح اخدمي مليح+نص كاس مايزينة +الفرينة مع نص مغرف صغيرة خمارة تتحصلي على عجينة طرية ترتاح10د. مبعد ديريها في لمول بهذا الشكل وثقبيها ودخليها تطيب تماما وخليها تبرد.

الحشوة:
نص علبة نسلي ابيض+8مغارف كوكاو محمص ومرحي+2علب شكولا ذايبة خلطيهم وعمري الحلوة

المرانغ: 3بياض بيض+رشة ملح+ رشة فاني+300غ سكر ناعم خلطيهم وديريهم في حمام مائي ونتي تخبطي بالباتور بدون توقف حتى تجمد المرانغ نحيها من النار واقعدي تخبطي لمدة3د مبعد خليها تبرد قليلا ثم ديريها في كيس حلواني وغطي الحشوة بالمرانغ وخليها تنشف لمدة 1ساعة هذي المرانغ متطيبش تنشف وحدها لانها طابت على حمام مائي.

لما تنشف ادهني الجوانب بلاجولي وزوقي بالبيستاش او لوزظ مرحي

مزيد من المعلومات »

تشاراك معسل

بعد بسم الله السلام عليكم

العجينة: 2كيلات فرينة+رشة ملح+فاني+نص كيلة سمن ذايب  حكي مليح ولمي بالماء والماء زهر خليها ترتاح10د.
الحشوة: 3كيلات كوكاو مرحي او لوز+ نص كيلة سكر عادي+فاني+مغرف سمن+ صفار بيضة ولمي بالماء زهر.
التحضير:  حلي العجينة بالحلال مبعد فوتيها في مشينة العجين في رقم 1 ثم في رقم 3مرتين ثم في رقم5 اطبعي دوائر وديري اصبع  من الحشوة

وشكلي شكل هلال

ثم اطبعي 6دوائر صغيرة وفي كل دائرة ديري نص حبة لوز بقشوره ولسقيها ببياض البيض

وحطيها فوق حبة التشاراك يعني كل حبة تشاراك ديري فيها 6 اوراق 2متقابلين و4 حطيهم فوق بعضهم ولسقيهم دائما ببياض البيض كما توضح الصورة

لظيهم مع بعض في الصينية باش التشاراك يحافظ على الشكل وخليه يرتاح 1ساعة مبعد طيبيه في فرن 160درجة لمدة 20د.

لما تخرجيهم من الفرن عسليهم بعسل مخفف بالماءزهر وزوقي الجزء لي من تحت فقط باللوز مدشش بقشوره حاولي متمسيش الجهة العلوية التحت فقط وقدميه فليكيسات

مزيد من المعلومات »

حلوياتي لللعيد 2014

بعد بسم الله السلام عليكم
اولا صحا عيدكم وكل عام وانتم بالف خير 
هذي بعض حلوياتي للعيد كلها حلويات بسيطة وكاين لخدمتها بعد العيد

تشاراك مسكر بعجينة جديدة

وريدات بالشكولا

 قاطو نص بنص

مخبز العجينة را ئع بعجينة سحرية جديدة

حلوة التاج بالكرمال

حلوة  بالمرانغ والشكولا اروع ما يكون

 كعيكعات باللوز

مربعات بالكوكاو هايلين بزاف

الحلوة الغوز هذيك مربعات بالفوندون نسيت نصورها وحدها

قريوش ولغريبية

بقلاوة والمقروط

هذا مقروط الكوشة خدمتو بعد العيد

تشاراك معسل وصفة جديدة ورائعة راح نديرها موضوع

   لروشي بالفلان 

حلوة بالمرانغ راح نديرهم مواضيع

مزيد من المعلومات »