حلوة الدومينو

بعد بسم الله السلام عليكم

هذي الحلوة سهلة التحضير ورائعة في الشكل والذوق
التحضير: 200غ زبدة طرية+100غ سكر ناعم خبطيهم بالباتور مليح مليح

مبعد نضيف 5بيضات بالوحدة ونخبط

حتى نكمل 5بيضات
مبعد نضيف فاني ورشة ملح +75غ كاكاو +1خمارة +الفرينة حتى تولي كيما عجينة البسكوي

ديريها في مول مستطيل او مربع

دخليها تطيب في فرن180درجة لمدة 20د.
مبعد خرجيها واقلبيها واطليها بالشكولا وخليها تنشف

شوفوا القلاساج كيفاش رائع ويلمع كي نكمل طريقة تحضير الحلوة نعطيكم طريقة القلاساج الرائع
لما تنشف الحلوة نقطعها مستطيلات صغيرة

مبعد زوقي بالشكولا بيضا اوقلاساج كيما الدومينو

خليها تنشف وقدميها في كيسات بيوضة

قلاساج شكولا خاص بالطرطات والكيك: ديري3مغارف زبدة ذايبة+ كاس سكر قلاسي+ فاني +رشة ملح  خلطيهم وديريلهم غير شوية حليب قيس ما تطلقي السكر وحطيها على النار تعقد واطلي بيها الكيك والتارت ذوقوا رائع ويلمع .