fauxكستال

بعد بسم الله السلام عليكم

المقادير: 500غ زبدة طرية

500غ كوكاو محمص ومرحي نص نديروه في العجينة والنص للتزين

3بيضات

250غ سكر عادي

فاني ورشة ملح

2خمارة

فرينة

معجون للتزيين 

التحضير: نخدم الزبدة والسكر مع بعض مليح+ البيض بالوحدة ونخلط +فاني وملح+الكوكاو مرحي يعني في العجينة ندير 250غ كوكاو+الفرينة والخمارة حتى تولي عجينة طرية

نقسم العجينة الى قسمين نص نخبزوه في بلاتو يكون كبير ومدهون هذا المقادير تاع مول كبير ليحب يجرب يقسم المقادير

ثم يدير طبقة من المعجون فوقها

ثم ننثر كامل فوق المعجون كوكاو يكون شوية مدشش

ونعاود نحل القسم الثاني من العجينة ويستحسن فوق ورق الفيلم باش نقلبها بسهولة فوق الطبقة الاولى

ونعاود ندهنها بطبقة معجون وفوقه الكوكاو كيما درنا في الطبقة الاولى

ندخلها تطيب 180درجة لمدة 30الى 35د.

  

 لما نخرجها من الفرن نرش على وجها كامل سكر ناعم ثم نقطعها مربعات وتقدم.

مزيد من المعلومات »

مسكوتشة ب 2بيضات

بعد بسم الله السلام عليكم
التحضير:مسكوتشة سهلة التحضير وتجي وكانها مسقية هايلة.

2بيضات+كاس ونص سكر+كاس زيت خبطيهم مليح مليح+رشة 

ملح وفاني+كاس حليب وخبطي+نصف كاس عصير ليمون +قشور 

وخلطي+3كيسان فرينة +2خمارة خلطيهم وديريه في مول يكون 

شوية صغير ودخليها تطيب مبعد مباشرة غي تخرجيها من الفرن 

ادهنيها بالمعجون وزوقي كيما تحبي كوكاو او قفريط مدشش ...............الخ.

مزيد من المعلومات »

كعك محشي بالشكولا

بعد بسم الله السلام عليكم

هذا كعك وكن محشي بالشكولا وشكلو كويرات وليس اساور كيما الكعك العادي
التحضير:كاس سكر+ نص كاس زيت+3بيضات +3/4 كاس ماءزهر+نص كاس حليب دافئ+ملح+فاني+قشور الليمون+حبة الحلاوة وسانوج او جلجلان+مغرف خميرة الخبز+1خمارة خلطيهم الكل مع بعض+الفرينة حتى تولي عجينة يابسة لازم تكون عجينة يابسة مبعد ابداي ضيفي الحليب الدافئ تدريجيا ونتي تدلكي وتزيدي في الحليب حتى تولي مطلوقة تقريبا كيما السفنج 

غطيها وخليها تخمر

مبعد شكلي كرات صغار ودائما اغطسي يدك فلفرينة لان العجينة تلسق واحشيهم بفرميسال الشكولا او حبيبات الشكولا

شكليهم كرات وحطيهم في صينية يخمروا

بعد ما يخمروا ادهنيهم بخليط البيض والقهوة 

ودخليهم يطيبوا حتى يحماروا .
مبعد رشيهم بسكر ناعم

مزيد من المعلومات »

خبز السوفلي

بعد بسم الله السلام عليكم

التحضير:
هدا الخبز يجي راااااااااائع وسهل التحضير وهدا المقادير تجي بزاف قريب ل10خبزات

التحضير:750غ فرينة+750غ سميد+مغرف كبيرة ملح+30غ خميرة الخبز+25غ سكر+80غ زيت+سانوج وحبة الحلاوة وتجمعي الكل بالماء دافئ حتى تولي عجينة طرية تدلكيها مليح وتخليها تخمر ثم تكسريها وتشكلي خبزات كل خبزة فيها300غ وتخبزيها بالسميد ثم تخليها تخمر وطيبيها في فرن ساخن كالعادة دائما الخبز يطيب في فرن ساخن جداا حتى يجي طري ميوليش يابس
اتمنى يعجبكم وتجربوه.

مزيد من المعلومات »

قرتان بطاطة بالسردين لذيذ جداااااا

بعد بسم الله السلام عليكم

هذا القرتان لذيذ جداا ننصحكم تجربوه
التحضير: سردين تنقيه وتنحيلوا السلسول
صلصة طماطم:2حبات طماطم مقطعة او مسكرفجة +زيت زيتون +3سنات ثصوم+مغرف طماطم مصبرةقليها حتى تطيب.
بطاطة قطعيها دوائر حطيها في مول تاع فرن ملحيها

ثم ديري فوقها كمية من زيت الزيتون

وقطعي فوقها فورماج اي نوع تحبيه انا درت فورماج شاف

فوق الفورماج حطي السردين بحيث تغطي كامل البطاطة

مبعد فوق السردين ديري صوص تومات

ودخليها للفرن حتى تطيب وتحمار مليح

لتجرب الوصفة وتعجبها لا تنساني من دعوة جميلة في ظهر الغيب.

مزيد من المعلومات »

صابلي باللحظة

بعد بسم الله السلام عليكم
من كثرة انشغالي مصورتش مراحل حلوياتي للعيد وكانوا طلبوها مني بزاف فلفيسبوك ولكن طريقة التحضير كلها سهلة وبسيطة
هذا الصابلي لذيذ جدا
التحضير:500غ زبدة طرية+500غ لحظة+200غ سكر ناعم خلطيهم مع بعض+فاني +رشة ملح+2صفار بيض وخلطي +نسكافي نذوبوه في القليل من الماء+نص باكي خمارة والفرينة حتى تتلم وتولي طرية نغطيها ونخليها ترتاح.
مبعد نحلها ومنرققش بزاف ونطبع اي شكل نحبوه قلوب او دوائر او مربعات او مثلثات .............الخ ندخلهم يطيبوا لما تبرد نلسق كل 2 بالمعجون ونطليهم بالشكولا ونزوق حسب الذوق.

مزيد من المعلومات »