skip to main |
skip to sidebar
بعد بسم الله السلام عليكم
ب
دائما مع الحلويات السهلة تاع كل يوم وهذي الحلوة سهلة التحضير وتذوب في الفم
التحضير: 250غ زبدة+باطة فلان تاع الشكولا+ صفار بيضة خلطيهم +فاني ورشة ملح +1خمارة والفرينة حتى تتلم تصبح عجينة طرية
حليها بالحلال واطبعي دوائر بالكاس تاع لتاي حطيهم في سنيوة
ادهني الوجه ببياض البيض ورشي كوكاو مدشش
ودخليهم يطيبوا مبعد اطليهم بالشكولا وخليهم ينشفوا وقدميهم . لذيذة جداااااااااا.
بعد بسم الله السلام عليكم
التحضير: 200غ لحم مرحي+4مغارف روز طايب مليح+ملح+ فلفل اكحل+فلفل عكري+3سنات ثوم+بيضةارحي الكل مع بعض فروبو مبعد زيدي 2بياض بيض بشوي ونتي ترحي حتى يتخلطوا مع بعض لما تحبسي التخلاط تقدري ديري زيتون دوائرديري الخليط في شكارة تاع سباقيتي واحزميها مليح على الاطراف وثقبيها بابرة
فوريها في كسكاس لمدة نص ساعة او طيبيها في الكوكوط لمدة 10د.
انا مدرتش العكري كي ديريه يولي لونه احمر او ديري ملون احمر.
بعد بسم الله السلام عليكم
هذا faux ملفاي طريقة تحضيره سهلة ويجي هايل
التحضير: 500غ فرينة+مغرف زبدة ذايبة+2مغارف زيت+رشة ملح وفاني بسيها مليح ولميها بالماء البارد تكون عجينة طرية غطيها وخليها ترتاح في الثلاجة نص ساعة.
ثم اقسميها الى 5كرات وكل كرة نحلها بشكل دائري
ثم نحتاج الى300غ زبدة التوريق هذا الزبدة نقسمها الى 5اجزاء
نحط جزء من الزبدة فوق العجينة
ثم نحل الكرة الثانية من العجينة ونحطها فوق الاولى
وهكذا حتى نكمل 5 كرات
ثم نظغط عليها بالحلال ونحلها حتى تولي خبزة كبيرة
ثم نطويها على 4
ثم نحلها
ونلويها كالحربوش
نديرها في المجمد لمدة 1ساعة.
الكريمة: 2كيسان حليب+3مغارف مايزينة+2مغارف فلان فاني+كاس تاع لتاي عسل خلطيهم وحطيهم فوق نار متوسطة مع التحريك حتى تثقل خليها تبرد.
اجبدي العجينة من المجمد واقسميها الى 3اقسام
كل جزء حليه رقيق وثقبيه وديريه في مول
طيبيهم لازم يحماروا مليح مبعد ديري طبقات القاطو وبينهم الكريمة والوجه انا درت قلاساج ببياض البيض وسكر ناعم ودرت قلاساج بني ولازم تقعد 6ساعات باش تقطعيها.
بعد بسم الله السلام عليكم
التحضير: 5حبات بطاطة اغسليها مبعد خليها بقشرتها
ديري طبقة ملح في سنيوة ثم حطي البطاطة فوقها ودخليها للكوشة لمدة 45دثم قشريها وارحيها
ثم وجدي عجينة الشوو:كاس صغير تاع الماء+50غ زبدة +ملح وديريها على النار تغلي +125غ فرينة وخلطي حتى تولي عجينة متماسكة نحيها من النار وديريلها 2بيضات بالوحدة وتخلطي مبعد خلطيها مع البطاطة
شكلي كرات واقليهم
وحمريهم
مبعد كي تقليهم ملحيهم
بعد بسم الله السلام عليكم
التحضير: 250غ زبدة طرية+كاس ونص سكر ناعم+فاني ورشة ملح+2صفار بيض+بيضة كاملة خلطيهم بالباتور مليح+كاس مايزينة وخلطي+الفرينة ونص باكي خمارة قبل ما تنشف العجينة اقسميها الى2 قسم ديريلو 2مغارف كاكاو والنصف الاخر ملون اصفر وكملي نشفيها بالفرينة وخليها طرية
من جهة اخرى وجدي حشوة التمر
ناخذشوية من العجينة البنية وحليها في يدك
وحلي العجينة الصفراء وحطيها فوقها
وديري حشوة التمر على شكل كرة صغيرة
وكوري
وديريها في اي نوع تاع مول سيليكون اي شكل عندك استعمليه
او تقدري ديري العجينة الصفراء هي الاولى وفوقها البنية ونفس المراحل
دخليها تطيب مبعد كتخرجيها من الكوشة خليها تبرد مليح ونحيها بلعقل من لمول باش ما تتفتتش
ادهنيها من فوق بالعسل وقدميها.
هذي المقادير تقطع 30حبة.
بعد بسم الله السلام عليكم
التحضير: اولا تحضري عجينة التخمير: 200غ فرينة+مغرف خميرة الخبز+مغرف صغيرة سكر+كاس ماء دافئ خلطيها
وغطيها وخليها تخمر
من جهة اخرىديري 1كلغ فرينة +زاست تاع القارص+200غ سكر+فاني ورشة ملح+2مغارف لحظة+مغرف خميرة الخبز+كاس تاع لتاي زيت+2بيضات كبار او 3صغار+خليط التخمير خلطيهم ولمي بالحليب الدافئ تولي عجينة طرية تلسق شوية فليد
خليها تخمر
مبعد تكوني موجدة 100غ زبدة طرية ديري قطعة منها للعجينة كسريها ودخلي قطعة الزبدة
يعني هذي العملية كرريها 3مرات كل ما تخمر كسريها وديري قطعة زبدة من 100غ لذكرتها المرة الاخيرة غطسي يدك فلفرينة وشكلي كرات والبسطيهم باش متجيش فيها البابا
خليها تخمر
مبعد ادهنيها بخليط صفار البيض مع القهوة
ودخليها تطيب حتى تحمار
مبعد ادهنيها بلاجولي وزوقي باي مكسرات او تحبي رشيها فقط بسكر ناعم
شوفوا من داخل خفيفة ريشة هذي المقادير تقطع 24حبة.