موس بالشكولا

بعد بسم الله السلام عليكم

التحضير: نذوب 2علب شكولا على نار هادئة مع التحريك بمغرف خشب حتى تذوب.
3بياض بيض +3مغارف سكر نضربهم بالباتور حتى تولي كالمرانغ

3صفار بيض+فاني+ 3مغارف سكر نضربهم مليح

مبعد نخلط صفار مع البياض غير بشوي

ثم نضيفلهم الشكولا الذائبة ونخلط من فوق للتحت

نتحصل على لاموس بالشكولا تقدري هنا تزيدي كريم فريش مضربة معاهم 

تقطعي الفريز الحبة الى 4 وتديريها في اكواب

وتديريلها معجون من فوق راح ينحها الحموضة 

وتعمري بلاموس

وتزوقي حسب الذوق بالشكولا مسكرفجة او كريم شانتي وحبة فريز .............الخ دخليها تبرد وقدميها.

مزيد من المعلومات »

كوكيز بوصفتين سهل جدااااااااا

بعد بسم الله السلام عليكم

هذا الكوكيز بوصفتين سهل جدااااااااااا في التحضير ولذيذ بزاف
كوكيز بسمارتيز
التحضير: 125غ زبدة+نص كاس سكر ناعم+بيضة+فاني +مغرف ياؤورت طبيعي +كاس مايزينة خلطي مليح مع بعض+1خمارة وتلمي بالفرينة شكلي كرات ديريهم في صينينية الفرن وفوق كل حبة ديري 4حبات سمارتيز انا صورت المراحل بصح الصور محبوش يدخلوا للميكرو راح نحاول معاهم  دخليهم يطيبوا .

كوكيز بحبيبات الشكولا: 125غ زبدة او سمن+3/4كاس سكرعادي+فاني+2مغارف ياؤورت طبيعي+2كيسان ونص فرينة+نص باكي خمارة+كمية من حبيبات الشكولا اعجنيهم كامل مع بعض حتى يتلموا شكلي كرات

دخليهم يطيبوا.

مزيد من المعلومات »

موس بالليمون بطريقة جديدة

بعد بسم الله السلام عليكم

التحضير: اولا ديري كمية من البسكوي اي نوع انا استعملت بيمو كسريه وضيفيلوا مغرف كاكاو +مغرف نسكافي+50غ زبدة ذائبة بسيهم وزعيه في اكواب

الكريمة :2صفار بيض+50غ سكر ضربيهم بالباتور حتى يبياضوا 
من جهة اخرى سخني عصير حبة ليمون مع مغرف جيلاتين حتى يدفا وضيفيه لصفار البيض وضربي +علبة ونص ياؤورت طبيعي  ثم ضربي 5مغارف بودرة الشانتي مع كاس حليب بارد وضيفيها لصفار البيض وضربي حتى تتحصلي على هذه الكريمة

وزعيها في الاكواب كطبقة ثانية

لاجولي تاع الليمون: 250غ عصير ليمون +100غ سكر +100غ ماء+مغرف جيلاتين ضعيهم على النارحتى يسخن الخليط وتذوب الجيلاتين خليه يدفا شوية وزعيه فوق الكريمة كطبقة ثالثة

دخليها للثلاجة تبرد مليح وقدميها بالصحة والهنا

مزيد من المعلومات »

بسبوسة بلكريم فريش

بعد بسم الله السلام عليكم

التحضير: اولا نبدا بتحضير الشربات
الشربات: 8كيسان تاع لتاي ماء بارد+4 كيسان تاع لتاي سكر+2كيسان تاع لتاي ماء زهر تغلي لمدة 15د على نار متوسطة.

العجينة نكيل بكاس الشاي

التحضير: 4بيضات+ 2كيسان تاع لتاي عسل نضربهم بالباتور مليح +مغرف جلجلان محمص+2كيسان خبز مرحي اي شابلير وتخلطي دائما+2كيسان سميد خشين تاع قلب اللوز+كاس زبدة ذائبة وخلطي + مزيج بين مغرف فرينة +مغرف صغيرة خميرة الخبز+2خمارة تاع القاطووخلطي مع بعض في الاخير ضيفي كاس كريم فريش كيما ذكرت تكيلي بكاس لتاي ديري الخليط في مول مدهون ودخليها تطيب لمدة 30د في فرن 180درجة كتخرجيها سقيها بالشربات تكون دافئة وخليها تشرب 2سا مبعد قطعيها وزوقيها حسب الذوق.

مزيد من المعلومات »

فلان في الفرن رائع

بعد بسم الله السلام عليكم

هذا الفلان يتباع لبرا وهو لذيذ جداا وسهل التحضير وتقدري تبدلي اذواق تاع الفلان كيما تحبي
اول حاجة تدهني مول بالزبدة وترشيه بلقفريط مرحي او مدشش بيديك ودخليه للثلاجة يبرد
2لتر حليب+3علب فلان شكولا +10مغارف مايزينة+كاس سكر عادي+4بيضات +فاني خلطيهم بلفوي مليح اذا كان فلان شكولا لونه فاتح تقدري تضيفي مغرف كاكاو خلطيهم وحطيهم على نار هادئة مع التحريك المستمر حتى تشوفيه غلى الغلية الاولى فقط ميعقدش نحيه وفرغيه في المول ودخليه للكوشة تكون مسخنة 180درجة لمدة25د حتى تشوفيه دار قشرة من فوق خرجيه وخليه يبرد تماما مبعد غطيه كامل بكريمة الشانتيي واسكرفجي الشكولا حتى تغطي كامل كريمة الشانتيي خليه يبرد ثم قطعيه وقدميه بالصحة والهنا انا في هذا المول درت نصف المقادير وجات كمية مليحة.

مزيد من المعلومات »