حلوة جافة بمول السيليكون

بعد بسم الله السلام عليكم

هذا القاطو سهل التحضير وتقدري تحضريه باي مول سيليكون عندك يعني الشكل لتحبيه ديريه
التحضير: 125غ زبدة طرية+ ربع كاس سكر قلاسي + فاني + رشة ملح اخدميهم مع بعض+ بيضة كاملة وصفار بيضة +نص كاس جوز الهند  + خلطيهم  + فرينة + مغرف صغيرة خمارة حتى تولي عجينة طرية

مبعد تاخذي مول السيليكون الشكل لتحبيه انا درت شكل الوردة

ديري كويرات ومتكبريهمش لانهم يطلعوا مبعد وديريهم فلمول ولظي باش ياخذ شكل المول

مبعد دخليهم يطيبوا في فرن 180درجة لمدة 20د.خرجيهم وخليهم يبردوا

ذوبي الشكولا وديري القليل في الفرغات في المول

مبعد حطي حبة القاطو في الشكولا ولظي مليح باش تتغطى كامل

دخليها للثلاجة قدر ما تنشف الشكولا متديريهاش في المجمد مبعد لما تنشف الشكولا تقلبيها بكل سهولة

هنا درتها في مول التاج