كحلوش وقلبو بيض

بعد بسم الله السلام عليكم
هذا الحلوة تقطع بزاف وبنينة رائعة وتوالم المناسبات
المقادير: 500غ زبدة طرية+ 1كاس سكر ناعم+فاني نخدمهم مع بعض+3صفار بيض +بيضة كاملة وخلطي+1كاس مايزينة +3مغارف كاكاو اسود +1خمارة +فرينة حتى تتلم تولي عجينة طرية بزاف.

الحشوة: 3كيلات جوز الهند+ كيلة سكر عادي ارحيهم مع بعض+البيض حتى تتلم متجريهاش تولي متماسكة شكليها كرات صغيرة

شكلي كويرات من العجينة وديري في وسطها كرة من الحشوة

وكوريها حتى تتحصلي على كويرات

ديريهم في صينية الفرن

ودخليهم يطيبوا راهم ميطيبوش بزاف غير10د وخرجيهم وخليهم يبردوا
حضري قلاساج شكولا وحطي القاطو فوق شباك وديري من تحت نيلون وفرغي الشكولا على حبات القاطو وشكولا لتسيح عاودي ذوبيها

مبعد زوقيهم كيما تحبي انا درت ورود بعجينة التزيين 

او تحبي حبة لوز او جوز او بندق او رشيهم بجوز الهند او ديري زقزاق بالشكولا بيضا او كحلة.............الخ

وهذا شكلهم من الداخل لهذا سموه كحلوش وقلبو بيض

ملاحظة:انا درت نصف المقادير قطعتلي62 حبة وجا رائع ودرت صفار واحد وبيضة كاملة.