كريب بالدجاج

بعد بسم الله السلام عليكم
ليوم جبتلكم كريب بالدجاج طريقة سهلة ولذيذة وخفيفة للصيف

التحضير:عجينة لكراب
250غ فرينة+ نصف ملعقة صغيرة ملح+ مغرف زيت او زبدة ذايبة +3 بيضات خلطي بفوي + نصف لتر حليب خلطي حتى يولي خليط سائل خليه يرتاح .
الحشوة: 2 الى 3 بصلات مسكرفجين حطيهم في طاجين + زيت+ ملح وفلفل اكحل + صدر دجاج مقطع رقيق وخليهم حتى يطيبوا 
من جهة اخرى حضري بيشمال ثقيلة شوية مبعد خلطيها مع الدجاج + جبن ابيض.
طيبي لكراب بالطريقة المعتادة ادهني مقلاة خاصة بالكراب وديري فيها العجينة لما تطيب مت التحت اقلبيها بكل سهولة على الجهة الثانية

مبعد عمريهم بالحشوة

واغلقيهم كيما البوراك

ثم ستفيهم في مول مدهون

ثم ديريلهم ملفوق بيشمال شوي خفيفة

ورشيهم بجبن مرحي

ودخليهم للكوشة يتحمروا