معجون المشماش ومعجون الفريز

بعد بسم الله السلام عليكم

ليوم نقدملكم وصفتين من المعجون وعندهم نفس طريقة التحضير اتبعوا الخطوات فقط ومعجون لفريز سبقلي قدمت في منتدى اخر

معجون الفريز والمشماش مع بعض:

1كلغ من الفريزة + 750غ سكر+ عصير ليمونة

نغسل الفريز ونحلها الاوراق ونخليها حب ثم في طاجين يكون ثقيل ندير طبقة من الفريز

وفوقها طبقة من السكر

ديري 2 طبقات ولا 3 حتى تكملي كمية السكر والفريز على شكل طبقات وتعصري عليها حبة ليمون حطيها في الثلاجة ليلة كاملة غدوة من ذاك تلقايها طلقت الماء بهذا الشكل

يعني مدريش الماء غير الماء لطلقتها الفريزة
حطيها على نار قليلة لما تغلى احسبي 5 د مبعد نحي الفريز 

ورجعي هذاك السيرو يعقد

لمايولي قريب يعقد عاودي رجعي لفريز لمدة 5 د وطفي عليه خلي شوي مايه لان المعجون بانواعه كل ما برد يزيد يعقد متخليهش يولي كرمال ويفسد المعجون عندي حيلة باتش تعرفي المعجون عقد حطي طبسي فلمجمد لما يبرد حطي فيه قطرة معجون ولاجمدت معناتها وجد 

هذا المعجون يبقى الفريز حب واذا حبيتوه يولي مرملاد اي مرحي متنحيش الفريز خليه طيب فسيرو حتى تتحل وتعقد.

اما معجون المشماش نفس الطريقة راح نوريلكم الصور واتبعوا نفس المراحل كيما الفريز:

1كلغ مشماش +1كلغ سكر + عصير نصف ليمونة+ 3او 4 نواة المشمش راح تعطي بنة روعة للمعجون

وهذا يسموه مشماش بالسيرو تاني يقعد حب ويجي رائع انا نخدم ونخبيه فلمجمد وتان نحطو كتحلية وتقدري في رمضان تزوقي بيه طاجين لحلو

انا راني حطيتهم مزال سخونين يعني مزروبة كالعادة وكل ما بردوا يعقدوا

وهذا معجون المشمش الاخر وجد

هذا ديري لما + انصاف المشماش وسكر دائما لكل 1 كلغ مشماش 1كلغ سكر حطيهم على النر ونتي تخلطي حتى يطيب ويعقد يعني يتحرحر يولي كشغل مرحي
او تحبي ديري سيرو كيغلي تحطي المشماش او تحبي الطريقة الاولى لقدمتها ومنحيش المشماش خليه يطيب مليح فسيرو
انا درت ماء + سكر + مشماش حتى عقد وليت نحرك من حين لاخر