الحريرة

بعد بسم الله السلام عليكم

هذي نوع من انواع الحريرة لنديروها في الغرب ومن اروعهم
التحضير: اولا نبداو بتحضير الخميرة : ديري كاس فرينة + كاس ماء + مغرف خميرة الخبز والقليل من الخل خلطيهم

وخليها تبات هذي الخميرة لكن مع  السخانة ديريها صباح وخليها تخمر.
من جهة اخرى نحضروا المرق
التحضير: نضع في طاجين لحم او دجاج +1بصل مقطع خشين + 2الى 3 طماطم مقطعة+ نص ربطة قسبر مقطعة + 4 حبات جزر مقطعين لانو مبعد نرحي كل شي  + زيت+ ملح+ فلفل اسود +كركم + سكنجبير +كروية + حمص

حطيهم على النار وقليهم مليح

مرقي وخليها تطيب.
الان حضري الدرسة: في روبو نضع نص ربطة قسبر+ 2مغارف طماطم مكصبرة+ ملح +فلفل اسود+سكنجبير+كركم+ كروية +كاس ماء+ ورقات من النعناع واذا مكاش ديري اليابس

ارحيهم مع بعض تتحصلي على هذه الدرسة

مبعد لما تطيب المرقة صفي اللحم والحمص وارحيها

مبعد رجعيها للنار وديريلها 2مغارف تشيشة مرمز او فرميسال
هذه التشيشة اغسليها وارميها فلمرقة

خليها تطيب حوالي 10د مبعد نحيها من النار وهذيك الخميرة بعدكي تخمر

زيديلها الماء وضيفيها للحريرة بواسطة صفاية نتي ديري وخلطي بعيد عن النار مبعد عهاودي رجعيها للنار

وخلطي وخليها لمدة10د وفي الاخير ديريلها الدرسة هنا تولي تفوح ريحة الحريرة روعة بعد لتضيفي الدرسة خليها تغلي غليتين وطفي عليها

ملاحظة: اذا كانت العائلة صغيرة ديروا نصف مقادير الخميرة واذا الحريرة كانت عاقدة شوية زيدولها ماء ساخن