كيكة رائعة المذاق بمقادير بسيطة

بعد بسم الله السلام عليكم

هذي الكيكة مقاديرها بسيطة وتحضيرها سهل والنتيجة اكثر من روعة خفيفة بزااااااااااااااااااف ان شاء الله تجربوها

التحضير: 3بيضات + 7مغارف سكر خبطيهم مليح+9مغارف عصير ليمون + القليل من قشور الليمون وخبطي +3مغارف لحظة+فاني + 8مغارف فرينة+رشة ملح+2 خمارة + 3مغارف شكولا مسكرفجة انا درت في مكانها حبيبات الشكولا طبعا رمدتهم في الفرينة خلطي الكل 
من جهة اخرى ضربي 2بياض البيض مع رشة ملح طلعيهم كالثلج وخلطيهم بشوية مع  خليط الكيك  ديريه في مول مدور مدهون

ودخليها تطيب حتى تحمار وخرجيها ونحيها من المول

 خليها تبرد واطليها بشكولا بيضاء وزوقي بشكولا سوداء على شكل ملفاي
انا مكاش عندي شكولا بيضاء درت شكولا بيضا مزيفة وجات هايلة 
شكولا بيضاء مزيفة: ضعي كاس لحظة + كاس سكر + فاني + نص كاس فرينة

ضيفيلها كاس ونص ماء و خبطيهم بالباتور

 مبعد ضعيها على النار مع التحريك حتى تعقد 

يجي ذوقها ما بين الكريمة والنسلي هايلة اطلي الكيكة وديري خطوط من الشكولا السوداء وزوقي بكيردون كيما الملفاي وفي الوسط ديري لوز او كوكاو كيما تحبي