بعد بسم الله السلام عليكم
انا عندي عجينتي الرائعة ومعتمدتها من سنين طويلة ومؤخرا جربت هذي العجينة اكثر من روعة وخفففففففففففية بزاف .
التحضير:
العجينة:رطل فرينة+ 2مغارف سكر+ 3مغارف لحظة+ملح+ مغرف ماشي معمرة خميرة الخبز
خلطيهم + بيضة وكاس شاي زيت
ولميهم بالماء الدافئ حتى تولي عجينة تقريبا مطلوقة متقدريش تشديها بيدك
مبعد شمخي يدك بالماء وديريها في كيس بلاستيك
وخليها تخمر حوالي نص ساعة.
من جهة اخرى نعطيكم طريقتي وهي رائعة ماشي نشكر في روحي والgه هايلة وساهلة هذي الصوص
في كوكوط ديري حبة بصلة مقطعة خشين+2طماطم مقطعة على4بقشرتها+2ثوم+ 1رند+ زعتر+ مغرف ماشي معمرة طماطم مصبرة +ملح وفلفل اسود وفلفل احمر حلو وكركم و4الى5 مغارف زيت زيتون +معدنوس+ربع كاس ماء اغلقي الكوكوط وديريها على نار متوسطة لمدة8د مبعد ارحيها واذا كانت عاقدة طفي عليها واذا خصها خليها تعقد على النار شوية نورمالمون تلقايها هذيك هي.
لما تخمر العجينة كسريها 3مرات بمعنى كل ما تخمر كسريها وعاودي خليها تخمر وكسريها مدة 3مرات تقطع 4كرات مبعد رمديها في كمية كبيرة تاع الفرينة
لازم تكون الفرينة بزاف مبعد حلى الكرة راح تستمتعي ونتي تحلي فيها لانها خفيفة روعة مبعد ديريها على ظهر صينية
لما تديريها على ظهر الصينية تطيب كيما تاع برا
ادهنيها بصوص تومات
ثم ديري زيتون اسود
وادهني الجوانب بزيت الزيتون
طبعا الحشوة والتزيين حسب الذوق والموجود تحبي ديري لحم مرحي او مرقاز او دجاج او فلفل اخضراو فطر....... انا اولادي يحبوها غير بالزيتون والفورماج ندخلها الى فرن ساخن جداا لمدة10د هي متحبش طياب بزاف وهذي العجينة بالخف تطيب وتحمار لهذا طبعا راقبوها لما تخرج من الفرن رشي كامل الوجه بالفرماج مرحي
انا عندي عجينتي الرائعة ومعتمدتها من سنين طويلة ومؤخرا جربت هذي العجينة اكثر من روعة وخفففففففففففية بزاف .
التحضير:
العجينة:رطل فرينة+ 2مغارف سكر+ 3مغارف لحظة+ملح+ مغرف ماشي معمرة خميرة الخبز
خلطيهم + بيضة وكاس شاي زيت
ولميهم بالماء الدافئ حتى تولي عجينة تقريبا مطلوقة متقدريش تشديها بيدك
مبعد شمخي يدك بالماء وديريها في كيس بلاستيك
وخليها تخمر حوالي نص ساعة.
من جهة اخرى نعطيكم طريقتي وهي رائعة ماشي نشكر في روحي والgه هايلة وساهلة هذي الصوص
في كوكوط ديري حبة بصلة مقطعة خشين+2طماطم مقطعة على4بقشرتها+2ثوم+ 1رند+ زعتر+ مغرف ماشي معمرة طماطم مصبرة +ملح وفلفل اسود وفلفل احمر حلو وكركم و4الى5 مغارف زيت زيتون +معدنوس+ربع كاس ماء اغلقي الكوكوط وديريها على نار متوسطة لمدة8د مبعد ارحيها واذا كانت عاقدة طفي عليها واذا خصها خليها تعقد على النار شوية نورمالمون تلقايها هذيك هي.
لما تخمر العجينة كسريها 3مرات بمعنى كل ما تخمر كسريها وعاودي خليها تخمر وكسريها مدة 3مرات تقطع 4كرات مبعد رمديها في كمية كبيرة تاع الفرينة
لازم تكون الفرينة بزاف مبعد حلى الكرة راح تستمتعي ونتي تحلي فيها لانها خفيفة روعة مبعد ديريها على ظهر صينية
لما تديريها على ظهر الصينية تطيب كيما تاع برا
ادهنيها بصوص تومات
ثم ديري زيتون اسود
وادهني الجوانب بزيت الزيتون
طبعا الحشوة والتزيين حسب الذوق والموجود تحبي ديري لحم مرحي او مرقاز او دجاج او فلفل اخضراو فطر....... انا اولادي يحبوها غير بالزيتون والفورماج ندخلها الى فرن ساخن جداا لمدة10د هي متحبش طياب بزاف وهذي العجينة بالخف تطيب وتحمار لهذا طبعا راقبوها لما تخرج من الفرن رشي كامل الوجه بالفرماج مرحي
0 التعليقات:
إرسال تعليق