verrines فرين بالموز

بعد بسم الله السلام عليكم

التحضير: في كسرونة نضع 3فنجال متوسطين حليب+ نص فنجال سكر +ربع فنجال مايزينة+ ربع مغرف صغيرة ملح +2بيضات خلطيهم وديريهم على نار متوسطة مع التحريك حتى تعقد وتتحصلي على هذي الكريمة

هذا الفنجال لعبرت بيه

خليها تدفا شوية ثم خلطي 2مغارف زبدة طرية مع مغرف كبيرة تاع لكستري فاني انا مكاش عندي لكستري درت فاني بودرة خلطي الزبدة مع الفاني وضيفيها للكريمة بعد ما تدفا

خلطي وديريها في الثلاجة تبرد مليح
من جهة اخرى خذي 10حبات بيمو او اي بسكوي عندك ديريه في روبو مع مغرف سكر و70غ زبدة ذايبة

ارحيهم حتى تتحصلي على هذا المزيج

ثم حضري اكواب لتقدمي فيهم  ثم ديري الطبقة الاولى بسكوي

ثم كريمة

ثم موز مقطع دوائر

ثم بسكوي

وهكذا تكملي بنفس الطريقة حتى لاخر طبقة تكون من الكريمة

طبعا نتي تتكحمي في عدد الطبقات اذا تحبيهم بزاف او قليل

ثم تزييني الوجه بكريمة الشانتي

وبقطعة موز وشوية من البسكوي

وفي الاخير ديري القليل من الكرمال او العسل انا درت العسل على شكل خيوط من الفوق

وهنا شوفوا الطبقات جات رائعة وسهلة التحضير