خبز الباي

بعد بسم الله ليوم جربت خبز الباي بطريقة سهلة وهايلة وكنت قدمت خبز الباي الاصلي ليجي باللوز وصفة موجودة في موضوع قلب اللوز
اولا نحضر الشربات:250غ سكر + نصف لتر ماء + شرائح ليمون يغلي10د وطفي + ماءزهر.
التحضير: 200غ زبدة+200غ سكرضربيهم مع بعض + 4 بيضات بالوحدة ونضرب + 200غ خبز مرحي شابلير+100غ حلوة الترك+ 1خمارةو خلطي الكل ديريها في مول مدهون ورشي الوجه كامل باللوز ايفيلي انا مكانش عندي درت كوكاو مدشش على الوجه
دخليه يطيب حتى يحمار
مبعد سقيه بالشربات وخليه يشرب مبعد ادهني الوجه بلاجولي وقطعي مربعات.
شهية طيبة اتمنى يعجبكم وتجربوه