بعد بسم الله السلام عليكم
هذا الزيتون وصفة جديدة سمعتها فلاذاعة ويجي هايل بصح الصورة النهائية للطبق راحتلي قلت نحطلكم الوصفة للافادة
التحضير:في اناء ضعي دجاج ودهنيه ب4مغارف موتارد ادهنيه مليح وحطي فوقه بصلة مسكرفجة+راس ثوم مقطع دوائر+زيتون الكمية لتحبيها+علبة فطر اختياري انا مدرتوش+قسبر ومعدنوس مقطعيين+ملح وفلفل اسود+سكنجبير+كركم+قسبر يابس+5ورقات رند+2غصان زعتر+شوية راس الحانوت من النوعية الجيدة+ربع كاس زيت وخلطيهم بيدك مليح مبعد ديري 5ورقات المنيوم في كسكاس وتخلي الالمنيوم يطيح على الجوانب وفرغي الخليط فلكسكاس تحبي ديري فلفلة مرقدة تعطي البنة وديريلوا نص كاس ماء وهو فلكسكاس واغلقي مليح بحيث الهواء ميدخلش
مبعد ديريه يفور لمدة 1ساعة ونص الى 2سا متفتحيش عليه حتى يطيب
هنا كنت فرغت من الكسكاس
مبعد حمري قطع الدجاج ولا قدميهم مباشرة انا الصورة النهائية راحتلي عذرا
قدميه مع بطاطة مقلية .................
اتمنى يعجبكم وتجربوه.
ملاحظة: بالنسبة للزيتون متغليهش احسن طريقة انك تبيتيه فلماء وبدليلو الماء مرة او مرتين الصباح تلقايه مسوس هذي الفكرة سمعتها من عند عدة شيفات في الطبخ لانو كي تغليه يسماط وميجيش بنين وجربتها وفعلا يجي رائع.
طريقة جديدة وتبان تشهي يعطيك الف عافية
ردحذفبارك الله فيك اختي مرورك شرفني
ردحذف