كروكي

بعد بسم الله السلام عليكم
واسفة الصور شوية مخرجتش مليح
المقادير:
7بيضات 
500غ سكر
مغرف كبيرة فاني
كاس زيت
نص كاس ماء
1كلغ ورطل فرينة
5خمارة
كاكاو
للتزيين: بيضة وكاكاو
التحضير: نخبط البيض والسكر مليح حتى يذوب السكر +فاني
من جهة اخرى ندير الزيت والماء في قرعة ونخضهم مليح ونضيفهم للبيض ونكمل نخبط
ثم نخلط 1كلغ فرينة مع الخمارة ونضيفهم لخليط البيض ونلم بيدي مبعد نح جزء من العجينة نديرلها مغرف كاكاو ونكمل نلمها بالفرينة حتى تولي طرية وكذلك العجينة البيضاء نلمها حتى تولي طرية
مبعد نقسم العجينة الى اجزاء وكذلك العجينة البنية

مبعد ندير حربوش من العجينة البيضاء في وسطه حربوش عجينة بنية ونغلق مليح

نحطوه في سنيوة مدهونة ونبسطوه الحربوش

مبعد نخلط بيضة +مغرف كاكاو وندهن لكروكي انا كنت من قبل نزيد القهوة ولكن لقيت هذا الخليط احسن طبعا ليحب ذوق القهوة يدير مغرف صغيرة قهوة

ونزوق بالفرشيطة الصورة شوية مظلمة لانو سنيوة كحلة ولكروكي مدهون بالكاكاو ندخلوه يطيب ولما يخرج نقطعو بشكل مائل

ليوم انا كبرت لحرابش باش يجي كيما ليتباع 
طبعا ليحب بعد التقطيع يرجعوا للفرن باش يتقرمش انا نحبو يبقى طري