البابا

عد بسم الله السلام عليكم

المقادير: 300غ فرينة
20غ خميرة خبز
3 بيض
3 مغارف سكر
نصف ملعقة صغيرة ملح
50غ زبدة ذائبة
ثلاث ارباع كاس حليب دافئ
فاني
شربات: 400غ سكر + 2 كيسان ونص ماء + نصف حبة قارص يغلي على نار قوية لمدة 10د وطفي عليه وخليه جانبا

التحضير: نحضر اولا le levin : نضع مغرف سكر من المقادير المذكورة اعلاه يعني ندير مغرف سكر ونخلي زوج+ الخميرة + 3 مغارف فرينة من الفرينة المذكورة في المقادير نخلط + الحليب الدافئ كله حتى تولي سائلة

نخليها تخمر حتى تطلع
ثم نضع البيض+ سكر + فاني + ملح + الزبدة ذائبة +le levin+الفرينة ونخلط الكل نتحصل على عجينة نوعا ما طرية
نحضر لمول تاع البابا تاع سيليكون او لخرين

ندهنهم مليح ونحط العجين فيهم 

نخليهم يخمروا حتى يزيد الحجم

ثم ندخلهم يطيبوا في فرن ساخن حتى يحماروا فور خروجهم من الفرن تسقيهم بالشربات لازم يكون شاربين مليح اذا خصتهم شاربات زيدي طيبي وسقيهم زوقيهم بالشانتي والفواكه

او تحبي ديري فواكه في اكواب وتحطي البابا وتزوقي بالشانتي