كيكة بالكوكا كولا

بعد بسم الله السلام عليكم

المقادير:
للكيك: 2بيض
2كيسان تاع الشاي ونص سكر عادي
كاس شاي زيت
2كاس شاي كوكا كولا
2خمارة
فاني
2مغارف كبار كاكاو
رشة ملح
فرينة حسب الحاجة

للقلاساج: نصف كاش شاي زيت
علبة ياؤورت طبيعي
2مغارف كبار سكر ناعم
1 مغرف كبيرة كاكاو
نصف كاس شاي ماء

التحضير: في طاس تاع الميكسور ضعي البيض+سكر+زيت+كوكا كولا+فاني

 ضربيهم مع بعض

مبعد فرغيهم في انا وضيفي عليهم الكاكاو +خمارة +الفرينة تبقاي تضيفي الفرينة حتى تتحصلي على خليط كيما تاع المسكوتشو
تدهني مول مدور او اي نوع تاع لمول عندك بالزبدة  وترشيه بالكاكاو

وتفرغي فيه الخليط

ودخليه يطيب في فرن180درجة لمدة 25د كيما تطيبي الكيك العادي
في هذه الاثناء نحضروا القلاساج
في كسرونة نضع الزيت+الماء+سكر+كاكاو+ياؤورت

خلطيهم وحطيهم على نار هادئة ونتي تخلطي حتى يغلي نحيه من النار

لما تطيب الكيكة نخرجها من الفرن

ومباشرة نسقيها بالقلاسج يعني وهي سخونة غير تخرج من الفرن سقيها بالقلاساج

وزوقي حسب الذوق وحسب الموجود عندك