قرتان بالقرعة والبطاطة

بعد بسم الله السلام عليكم

دائما مع الوصفات البسيطة والسهلة واللذيذة
التحضير: 5حبات قرعة اسكرفجيهم وحطيهم في صحن 
3حبات بطاطة اسكرفجيها واعصريها وضيفيها للقرعة+ ملح + سكنجبير + ثوم مسكرفج 

خلطيهم مع بعض  وحطيها في مول تاع فرن يكون عالي ويكون مدهون بكمية مليحة تاع الزبدة ومتظغطيش على الخضر في المول حطيها مفركة باش الخضر تطيب متقعدش نية من داخل 

مبعد غطيها بالغطاء تاع المول واذا معندوش غطاء غطيها بالامنيوم دخليها للفرن لمدة 10د 

مبعد اجبديها وضيفيلها كاس ماء سخون 

وغطيها ودخليها تطيب
ثم حضري بيشمال تكون خفيفة وديريلها قطعة جبن وتكون خفيفة وصفة البشمال راهي موجودة في مواضيعي
لما تنحيها من النار يعني البيشمال ضيفيلها 2 بيضات وخبطيها  مبعد خرجي المول من الفرن تلقاي الماء نشف والخضر طابت سقيها بالبشمال 

نحيلها الغطاء ودخليها للفرن حتى تحمار مليح تولي قشرتها كيما تاع الكرنتيكا