دجاج بخلطة سحرية

بعد بسم الله السلام عليكم

هذي الوصفة شفتها من قناة سميرة عجبتني وجربتها وجات هايلة
التحضير: اطراف من الدجاج نحيلهم الجلدة وحطيهم في اناء

 ضيفيلهم عصير ليمون + ملح + فلفل اسود + زعفرا + سكنجبير + ثوم مسكرفج + قرفة +معدنوس رقيق + 3حبات هيل +رند+ زعيترة

خلطيهم مليح مع بعض وديريهم في الثلاجة لمدة 1ساعة.

مبعد ديري زبدة وزيت في الطاجين وضعي الدجاج بعد ما ترقد لمدة ساعة 

قليه مليح مليح مبعد ديريلوا كمية من الماء متكثريش الماء وخليه يطيب.

من جهة اخرى حضري خليط القلي: في ميكسور ضعي كاس ونص روز طايب+ مغرف فرينة + نص باكي خمارة + 3بيضات + ملح + زعفران + فلفل اسود + سكنجبير + قرفة + ثوم ارحيهم مع بعض تتحصلي على هذا الخليط

لما يطيب الدجاج صفيه من المرق وتغطسيه في خلطة الروز واقليه حتى يتحمر مبعد قدميه مع روز بيض وسقيه بالمرق لطاب فيه

  

والخليط لبقا تاع الروز قليتو على شكل معقودة جا هايل