لمحمر

تاخذي لحم هبرة تاع بقري او غنمي ديريه في كوكوط او طاجين+2بصل مقطعة على4+2حبات طماطم صغار حب بدون تقطيع+ملح وفلفل اكحل وحار و2مغارف زبدة +ورقة رند+حبة تاع نجمة قليهم مليح ومرقي ومتكثريش المرق
تاخذي 3حبات بطاطة قطعيهم دوائر خشان مبعد اطبعي هذوك دوائر البطاطة في الوسط ديريهم يطيبوا فلمرق ومتخليهمش يطيبوا بزاف نحيهم وديريهم في مول مدهون مبعد حضري حشوزة تاع لحم مرحي مخلط مع بيضة ديري كويرات وديريهم في هذيك الحفرة تاع البطاطة وديري فوقهم الزبدة ودخليهم يطيبوا ويتحمروا فلفرن.
مبعد خلي الحم حتى يطيب مليح نحيه ادهنيه بالزبدة مع موتارد
ودخليه للفرن يتحمر وهذيك المرق نحي منها الرند والنجمة وارحي كلشي راه تولي قليلة مرقة عاقدة وسقي بيها اللحم والبطاطة.

وهنا كسقيتو بلاصوص