بعد بسم الله السلام عليكم
هذي وصفة لحلو بشباح السفرة على طريقتي
التحضير: ديري في طاجين شوية سمن + عود قرفة + رشة قرفة مرحية + اعواد قرنفل+ نجمة + 2مغارف ماء زهر + 2مغارف سكر
قليها غير شوية او تقدري تمرقي بارد في بارد لما تمرقي وتغلي ديري البرقوق وخليها تطيب
مبعد ضيفيلها الكمية اللازمة تاع سكر وخليها تعقد
شباح السفرة على طريقتي: كاس جوز الهند + 3/4 كاس سكر + فاني مغرف صغيرة خمارة
خلطيهم وزيديلهم كاس بيض
مبعد ديري حوالي 3مغارف فرينة قيس ما يتماسك شوية الخليط وهذا الوصفة تجي بجوز الهند احسن تجي خفيفة متتشبعش وباللوز والكوكاو تجي ثقيلة هذي وصفة دارنا وقديمة من وصفاتنا الخاصة
مبعد ديريه في لمول تاع السيليكون اي شكل تحبيه او لمول تاع البابا او تقدري ديريه في مول كبير تاع موسكوتشو
انا عبرت بفنجان تاع قهوة حليب متوسط قطعتلي 9حبات عادة نخدمهم ونخبيهم فلمجمد وقت الحاجة نجبدهم ونديرلهم المرق
مبعد حطيهم في وسط الصحن سقيهم مليح بمرق الحلوة وديري البرقوق على الجوانب وزوقي باللوز والفواكه الموجودة عندك انا درت لوز والموز طبعتوا وردات وزوقت بيه ودرتوا دوائر ومرات ندير اناناس حسب الموجود
المرة القادمة باذن الله راح نقدملكم حلو بالسوفلي .
هذي وصفة لحلو بشباح السفرة على طريقتي
التحضير: ديري في طاجين شوية سمن + عود قرفة + رشة قرفة مرحية + اعواد قرنفل+ نجمة + 2مغارف ماء زهر + 2مغارف سكر
قليها غير شوية او تقدري تمرقي بارد في بارد لما تمرقي وتغلي ديري البرقوق وخليها تطيب
مبعد ديري حوالي 3مغارف فرينة قيس ما يتماسك شوية الخليط وهذا الوصفة تجي بجوز الهند احسن تجي خفيفة متتشبعش وباللوز والكوكاو تجي ثقيلة هذي وصفة دارنا وقديمة من وصفاتنا الخاصة
لما تديري اي بسكوي في مول السيليكون ويبقى فراغ عمريه بالماء باش ميتحرقش المول وهكذا تحافظي عليه
دخليهم يطيبوا حتى يحماروا مبعد اقلبيهم
انا عبرت بفنجان تاع قهوة حليب متوسط قطعتلي 9حبات عادة نخدمهم ونخبيهم فلمجمد وقت الحاجة نجبدهم ونديرلهم المرق
مبعد حطيهم في وسط الصحن سقيهم مليح بمرق الحلوة وديري البرقوق على الجوانب وزوقي باللوز والفواكه الموجودة عندك انا درت لوز والموز طبعتوا وردات وزوقت بيه ودرتوا دوائر ومرات ندير اناناس حسب الموجود
على فكرة البرقوق صنع منزلي كنتو خدمتو في موسم البرقوق رائع قليلة فيها احسن ب1000 مرة من البرقوق ليتباع وباذن الله اذا كان في العمر بقية راح نديروا بالتفصيل في موسمه
المرة القادمة باذن الله راح نقدملكم حلو بالسوفلي .
و الله يا أختي ياسمين ما خليتي فيا وااااالو راني من متتبعات وصفاتك و جربت العديد منها و هذا الطبق كنت نحوس عليه عندي مدة
ردحذفاذا ممكن قوليلي شحال من حبة بيض جاتك في الوصفة
ربي يحفظك و يحفظلك عائلتك و بوسيلي البنوتة
الله يسلمك اختي منورة المدونة والحمد لله ان عجبوك الوصفات ونجحتي فيهم ادعيلي برك دعوة في ظهر الغيب
ردحذفبالنسبة للبيض على حساب الكيل لتعبري بيه فنجان او كاس .......الخ في هذا العبر درت بفنجان قهوة حليب قطعتلي 9 حبات والبيض جاتني 3 حبات نوريني بتعليقاتك اختي شكرا
شكراااا ياسمين على الرد السريع ان شاء الله كي نجربها نقولك
ردحذفربي يخليك لعائلتك و لي يحبوك
يعطيك الصحة ياسمين ....انا لازم تبقاي معايا راني قريب نتزوج و منعرفش نطيب ههههههه
ردحذفربي يهنيك بحياتك و يديم عليك الصحة ...
الله يسلمك اختي نو ربي يهنيك في حياتك والمدونة راهي قدامك متقطعيش الزيارة فقط ولا تحرمينا تعليقاتك الجميلة
ردحذفالله يعطيك الصحة ياسمينوا مشاء الله عليك كل صبع بصنعة ربي يحفضك
ردحذفامين حبيبتي فريدة
ردحذف